Goðasteinn - 01.09.1999, Blaðsíða 215

ANNÁLAR 1998
Goðasteinn 1999
Sveitarfélög
sem sveitarstjóra Rangárvallahrepps, en
hann hefur gegnt því starfi frá árinu 1990.
Sameining heilsugæslustöðva
Stjórnir heilsugæslustöðvanna á Hellu
og Hvolsvelli leituðu el'tir því á árinu hvort
vilji væri fyrir því að sameina þær undir
einni stjórn. Stjórnirnar sendu erindi um
þetta til heilbrigðis- og tryggingamála-
ráðuneytisins sem óskaði eftir áliti sveitar-
félaganna á starfssvæði stöðvanna.
Hreppsnefndirnar á starfssvæði heilsu-
gæslustöðvarinnar á Hellu lýstu sig allar
jákvæðar fyrir sameiningu. Hreppsnefnd
Rangárvallahrepps setti það sem skilyrði
fyrir samþykki sínu að þjónusta hvorrar
stöðvar um sig breyttist/minnkaði ekki frá
því sem áður var.
Sameining slökkviliða
Akvörðun var tekin á árinu um að sam-
eina slökkviliðin á Hellu og Hvolsvelli.
Sameiningin tók gildi frá og með áramót-
unum 1998/1999. Stofnað hefur verið
byggðasamlag um rekstur slökkviliðanna
sem heitir Brunavarnir Rangárvallasýslu.
Ráðinn verður slökkviliðsstjóri og reiknað
er með að hann verði í fullu starfi, en auk
hans verða varaslökkviliðsstjórar og/eða
varðstjórar sem munu sinna símavöktum.
Slökkviliðsstjórinn mun að auki sinna
forvörnum og eldvarnarmálum.
Af ýmsum vettvangi
Niðurstöður úr samræmdum prófum
10. bekkja grunnskóla vorið 1998 sýndu að
árangur Grunnskólans á Hellu var mjög
glæsilegur. Skólinn varð í 6. - 7. sæti yfir
landið allt og með besta útkomu á Suður-
landi af þeim skólum sem voru með í mat-
inu.
Síðla vetrar var haldið árlegt æskulýðs-
mót kirkjunnar fyrir unglinga af Stór-
Reykjavíkursvæðinu. Að þessu sinni var
mótið haldið á Hellu á Rangárvöllum og
mættu um 160 unglingar á staðinn, en
hópurinn gisti í sumarhúsum á Hellu og í
nágrenninu.
Eigendur bakarísins Kökuvals á Hellu
opnuðu brauðbúð á Hvolsvelli á útmán-
uðum Það eru hjónin Ásta Halldórsdóttir
og Omar Ásgeirsson sem reka bakaríið.
Fallhlífaklúbbur Reykjavíkur og Fall-
hlífasamband íslands hafa talsvert notað
flugvöllinnn á Hellu til æfinga og keppni
undanfarin ár. Sumarið 1998 voru fallhlífa-
menn með stóra flugvél á leigu erlendis frá
í rúmlega viku og gerðu þá tilraunir til að
setja íslandsmet í frjálsu falli með myndun
m.a. 18 manna stjörnu.
Svifflugmenn hafa einnig haklið sín
íslandsmót undanfarin ár á Hellu. Aðstæð-
ur eru taldar góðar lil slíkra hluta á Hellu
vegna fjarlægðar frá fjallendi og góðs upp-
streymis frá heitum söndum.
Töðugjöld fóru fram í ágúst með hefð-
bundnu sniði, þar sem aðal dagskráin fór
fram á Gaddstaðaflötum.
Farið var í fyrstu leit á Rangárvallaaf-
rétt þ. 13. september. Réttað var síðan í
Reyðarvatnsréttum þ. 19. september á
hefðbundnum tíma. Ingimar ísleifsson á
Sólvöllum var fjallkóngur í fyrstu leit eins
og verið hefur undanfarin ár og fjallskila-
stjóri Skúli Jónsson á Selalæk. Ungmenna-
félagið Hekla gekkst fyrir réttadansleik í
Hellubíói að kvöldi réttadags.
Um jólin og áramótin var flest með
hefðbundnu sniði. Blysför og brenna fóru
fram á Hellu að venju ásamt flugelda-
sýningu kl. 17.00 á gamlársdag. Um
kvöldið var kveikt á ártali vestan við Ytri-
Rangá. Á nýársnótt var haldinn dansleikur
í Hellubíói fyrir íbúa Rangárvallahrepps.
Öll þessi atriði fóru fram undir styrkri
umsjón Flugbjörgunarsveitarinnar á Hellu
eins og undanfarin mörg ár.
Oli Már Aronsson, oddviti.
-213-