Goðasteinn - 01.09.1999, Blaðsíða 216

ANNÁLAR1998
Goðasteinn 1999
Sveitarfélög
Vestur-Eyjafjallahreppur
Mannfjöldi
fbúar Vestur-Eyjafjallahrepps voru
skráðir 186 þann l.desember 1998 og
hafði fækkað um sjö frá árinu áður.
Rekstur hreppsins
Rekstur var með svipuðu sniði og
undanfarin ár, en þó voru engar stærri
framkvæmdir í gangi. Skólamálin eru
fyrirferðamest í rekstri , en börn úr sveitar-
félaginu hafa verið í grunnskóla á fjórum
skólum, Seljalandsskóla, Skógum, Hvols-
velli og Selfossi. Nýr skólastjóri og kenn-
ari komu til starfa á haustönn í Seljalands-
skóla.
A árinu var tekin upp samvinna
Eyjafjallahreppanna um rekstur leikskóla
að Heimalandi sem starfar tvo daga í viku.
Börn úr Fljótshlíðarhreppi hafa einnig
verið þar í vistun.
Unglingavinna var starfrækt og sáu þau
um umhirðu lóða hreppsins, einnig var
haldið áfram að planta út í limgerði við
skólann o.fl.
Unnið var við ýmis konar viðhald og
endurbætur á árinu. Það helsta var að skipt
var um hitakerfi í Seljalandsskóla og skól-
inn málaður að innan.
Einnig var hafin vinna við að útbúa
afþreyingaraðstöðu fyrir skólabörnin i bíl-
skúr við skólann. Veitt var fjármagni til
viðhalds heiðavega í hreppnum.
Þá var einnig unnið að skipulagsmál-
um, orkumálum og upplýsingaskiltum.
Metaðsókn var að tjaldsvæði hreppsins
í Hamragörðum, enda veður sérstaklega
gott til útivistar s.l. sumar. Tjaldgestir voru
um 1500 manns en þá eru ekki meðtalin
börn sem fá fría gistingu.
Jörðin Efri-Rot sem var í leigu frá árinu
1973 en var eign hreppsins, losnaði úr
ábúð á haustdögum og ákvað hreppsnefnd
að setja hana á söluskrá. Jörðin var síðan
seld í byrjun janúar.
Hreppsnefndakosningar
Á kjörskrá voru 131. en 111 manns
kusu. Kjörnir aðalmenn í sveitastjórn
1998-2002 voru eftirtaldir:
Kristján Mikkelsen Stóru-Mörk 3 með
90 atkvæði
Sveinbjörn Jónsson Stóru-Mörk 1 með
81 atkvæði
Baldur Björnsson Fitjamýri með 68
atkvæði
Ragnar Lárusson Stóra-Dal með 60
atkvæði
Viðar Bjarnason Ásólfsskála með 5 1
atkvæði.
Eftirtaldir voru kjörnir varamenn í
hreppsnefnd í þessari röð. Eyja Þóra Ein-
arsdóttir Moldnúpi, Leifur Einarsson Nýja-
bæ, Ásgeir Árnason Stóru-Mörk 3, Olafur
Baldursson Fit og Björgvin Guðjónsson
Syðstu-Mörk.
Hreppsnefnd Vestur-Eyjafjallahrepps
ákvað síðan að ráða sveitastjóra til starfa.
Guðjón Árnason Hvolsvelli var ráðinn og
tók til starfa um áramót, og hreppskrif-
stofan flutt af heimili oddvita í félagsheim-
ilið Heimaland.
Sveinbjörn Jónsson
| Ertu áskrifandi að Goðasteini?
-214-