Goðasteinn - 01.09.1999, Side 208

ANNÁLAR1998
Goðasteinn 1999
Sveitarfélög
frystihús á staðnum. Síðar keypti SS
eignarhlut kaupfélagsins árið 1974, en þá
var farið að huga að stækkun á frystihúsinu
°g byggingu fullkomins sláturhúss er leysa
myndi húsin í Djúpadal og Hellu af hólmi.
Frystihúsið var stækkað á árunum 1975 til
1979 og framkvæmdir við sláturhúsið
hófust 1982. Það var tekið í notkun árið
1985 og starfsemi á Hellu og í Djúpadal
hætt samhliða.
SS.
Árið 1990 var ákveðið að t'lytja
kjötvinnslu félagsins úr Reykjavík, en hún
hafði fyrir löngu sprengt utan af sér hús-
næðið á Skúlagötu auk þess sem húsin þar
urðu að víkja fyrir breyttu skipulagi.
Jafnframt var horfið frá nýbyggingu í
Laugarnesi. Framkvæmdir við breytingar
sláturhússins og viðbyggingu hófust um
haustið 1990 og hófst starfsemi kjötvinnsl-
unnar á Hvolsvelli þann 1. maí 1991.
Nokkrar fjölskyldur starfsmanna fluttust úr
Reykjavík í tengslum við flutning kjöt-
vinnslunnar og um 100 ný störf sköpuðust
í Rangárþingi.
Þetta hefur haft mjög jákvæð áhrif á
atvinnu- og menningarlíf í héraðinu öllu. Á
undanförnum árum hefur orðið stórfelld
uppbygging á starfsemi Sláturfélags
Suðurlands á Hvolsvelli, með tilheyrandi
margfeldisáhrifum.
Heildarflatarmál bygginga félagsins á
Hvolsvelli er nú nálægt 7600 fermetrum,
en síðast var tekin í notkun u.þ.b. 1800 fer-
metra stækkun kjötvinnslunnar. Jafnhliða
hafa verið gerðar umtalsverðar endurbætur
á eldra húsnæði og fjárfest í nýjum vélum
og búnaði, sem gjörbreytir aðstöðu til
framleiðslu og vöruþróunar. I nýbygging-
unni er m.a. mjög fullkomið moðunarher-
bergi fyrir verkun á þurrpylsum (spægi-
pylsu og pepperoni). Þurrpylsugerð er
sérstaklega vandasöm og oft nefnd til
dæmis um þá fagmennsku sem kjöt-
iðnaðarfyrirtæki viðhafa.
Tekið var í notkun brautakerfi sem
tengir stórgripasláturhúsið á Selfossi,
flutningabíl og kjötskurðardeildina á
Hvolsvelli, jafnframt var sett upp flæðilína
í kjötskurðardeildinni sem er sú fyrsta
sinnar tegundar hérlendis og smíðuð sam-
kvæmt hugmyndum starfsmanna SS. Þann-
ig hefur öll meðhöndlun á stórgripakjöti
gjörbreyst, sem skilar auknum vöru-
gæðum, bættri vinnuaðstöðu starfsmanna
og auknum alköstum.
Að jafnaði starfa um 140 manns í verk-
smiðju Sláturfélagsins á Hvolsvelli úr
flestum sveitarfélögum sýslunnar. Á sumr-
in er ráðið afleysingafólk um 60 manns,
l'lest skólafólk. Auk þess tjölgar starfsfólki
nokkuð fyrir jólin. Vinnutími er að jafnaði
frá 7 til 15, en einnig er boðið upp á hluta-
störf eða sveigjanlegan vinnutíma og þann-
ig leitast við að koma til móts við þarfir
hvers og eins. I nokkrum deildum er unnið
á vöktum að staðaldri eða til að mæta
tímabundnu álagi. Afkastahvetjandi launa-
kerfi er í flestum deildum þannig að starfs-
fólk fær álag á grunnlaun í hlutfalli við
afköst viðkomandi deildar.
Nokkuð vantar á að unnt sé að manna
kjötvinnsluna með innlendu vinnuafli og
hefur verið gripið til þess ráðs að fá starfs-
fólk frá Póllandi. Þetta starfsfólk hefur
almennt reynst vel og sýnt áhuga á því að
starfa hjá félaginu fram yfir aldamótin.
-206-