Studia Islandica - 01.06.1993, Blaðsíða 83
81
skuli hafa misfarist. Og þegar Porgerður vill ráðast til ferðar
með sonum sínum, þá fer Halldór að vilja hennar.
Á frýju Þuríðar eru hins vegar undarlegir annmarkar. í
Laxdælu er eggjun Þorgerðar nauðsynleg fyrir framvindu
sögunnar, því að engin hefndarför væri þar farin án hvatar.
En í Heiðarvígasögu horfir þetta öðruvísi við. Þuríður hefur
áður hvatt Barða til hefnda. Honum varð einhverju sinni á
skömmu eftir dráp Halls að setjast í sæti hans:
Móðir hans kemr inn, ok þá hon sér þat, rekr hon honum gildan
kinnhest ok skipar honum at skreiðask burt ór sætinu sem bráð-
ast ok vera eigi svá djarfan at setjask í sæti Halls, meðan hans sé
óhefnt.1
Þannig er hin fyrri hvöt Þuríðar, og henni er skipað á eðlileg-
an stað í atburðarásinni, áður en undirbúningurinn að hefnd-
arförinni hefst. Hún vísar til þess, sem koma skal. Aftur á
móti þykir mér ekki allt með felldu, að hin síðari frýja skuli
eiga sér stað, þegar Barði og bræður hans eru þegar ráðnir í að
hefna bróður síns. Þeir höfðu komið með lið sitt í Ásbjarnar-
nes um daginn, voru þar um nóttina og snæddu dagverð, áður
en þeir lögðu upp í suðurförina. Þuríði hlaut að vera fullkunn-
ugt um, hvað til stóð, en hún flytur mál sitt og lætur, eins og
engin hefnd sé í vændum.
Það er einnig eftirtektarvert, að eggjun Þuríðar er í raun og
veru herhvöt mælt fyrir fylktu liði en ekki venjuleg frýja, þar
sem Þuríður les yfir sonum sínum einum. í Þorgerðarsögunni
er atburðarásin, eins og vænta má : Eggjun — liðsafnaður —
hefnd, en í Heiðarvígasögu : Eggjun — liðsafnaður — eggjun
— hefnd. Það gefur auga leið, að Barði og bræður hans færu
í hefndarför sína, þótt síðari hvöt Þuríðar kæmi ekki til. Þess
er og að minnast, að Heiðarvígasaga hefur eytt fjarska löngu
máli í að greina frá undirbúningi ferðarinnar, svo að eggjun
Þuríðar kemur eins og skrattinn úr sauðarleggnum. Málin
taka enga nýja stefnu. Öðruvísi er í Laxdælu. Af þessu verð-
1 Hvs., 254. (JÓ). Sama minni er í Vatnsdœlu. Synir Ingimundar gamla setj-
ast ekki í sæti föður síns, fyrr en hans er hefnt. (63).