Studia Islandica - 01.06.1993, Blaðsíða 143
141
Það er afar merkilegur siðalærdómur að gera ráð fyrir því, að
jafnt illir sem góðir eigi þess kost að kjósa fjöld manna til
himnaríkis eftir stærð þeirra kirkna, sem þeir láta reisa að bæ
sínum. Engin önnur sjálfstæð ritheimild verður fundin á ís-
lenskum bókum um slíka siðfræði, en vafalaust á hún sér ein-
hverjar samfélagslegar rætur. Ég legg þann skilning í þessa
frásögn Heiðarvígasögu um kirkjubyggingar og himnaríki, að
sagan sé að koma þeim boðum til áheyrenda, að höfðingjar
verði ekki sáluhólpnir, þótt þeir af auðlegð sinni byggi kirkjur
guði til dýrðar, ef þeir brjóta helgustu bönn hans. Ég get mér
þess til, að þetta séu andmæli við hugmyndum Sturlunga-
aldarinnar, þegar auðugir ribbaldar hafa gert sér í hugarlund,
að allt væri falt fyrir fé, jafnvel guðs miskunn. Víga-Styrr tók
kristni eftir dráp Þórhalla, en háttalag hans tók engum um-
skiptum. Kenningin var ströng, og náð guðs var þeim einum
búin, sem lifðu í samræmi við hana. Misindismenn hreppa
ekki sæluvist á himni fyrir það eitt að reisa kirkjur eða fá leg-
stað í vígðri mold. Þetta hafa munkar gerst vitað, þegar þeir
sungu messur fyrir sál Styrs að Helgafelli.
Ekki vil ég skiljast svo við Víga-Styr án þess að vekja nánari
athygli á tveimur atriðum, sem varpa sérstöku ljósi á hann.
Atvikin að vígum Þormóðar, Einars og Þórhalla eru ein-
kennilega sviplík. „Allir eru þeir að flytja sig búferlum til þess
að forðast Styr, þegar hann veitir þeim eftirför eða situr fyrir
þeim,“ segir Sigurður Nordal með réttu.1
Þetta vígmynstur við brottför mótstöðumanna úr byggð
gengur í berhögg við almennar sögulegar forsendur í íslensku
samfélagi. Meginreglan er sú í Sturlungu og íslendingasögum,
að sveitarhöfðingjar lögðu allt kapp á að hrekja brott úr hér-
aði þá menn, sem þeir áttu í illdeilum við eða töldu sér stafa
háska af. Hirði ég ekki um að tína til mörg dæmi úr samtíðar-
sögum um slíkt. Kunn er frásögn Egilssögu af Steinari Ön-
undarsyni sjóna, sem vísað var tvisvar brott úr héraði fyrir að
troða illsakir við Þorstein Egilsson.2
' Hvs., cviii.
2
Egils s., 277-293. Fleiri dæmi um þetta eru t.d. í Víga-Glúms sögu og Finn-
boga sögu ramma.
L