Studia Islandica - 01.06.1993, Blaðsíða 221
219
rittengsla það, sem veitir mesta fræðslu,“’ segir Einar Ólafur,
og eru það orð að sönnu. Hann bendir á, að aðferðin hafi sína
augljósu annmarka og hún veiti aðeins vísbendingar um af-
stæða, en ekki sjálfstæða tímasetningu og þessu til viðbótar sé
oft miklum vandkvæðum bundið að kveða á um, hvort rit sé
veitandi eða þiggjandi, jafnvel þótt rittengslin séu ótvíræð.
Loks er þess að geta, að menn eru ekki ævinlega samdóma um
rittengsl sagna í milli. Stafar það ýmist af ólíkum viðhorfum
fræðimanna til sagnanna eða mismunandi kröfum, sem menn
gera til rittengsla. Menn geta auðvitað gert of litlar kröfur til rit-
tengsla, en einnig of strangar. Stundum gefa ritskýrendur vinnu-
brögðum miðaldahöfunda ekki nægilegar gætur og láta sér úr
minni líða, að sögurnar eru bókmenntir en ekki sagnfræði. All-
ur þessi ærni vandi kemur upp, þegar hugað er að tengslum
Heiðarvígasögu við aðrar sögur, og sýnist þá sitt hverjum.2
Heiðarvígasaga vitnar ekki til neinnar sögu, og hefur sú
staðreynd frá fyrstu tíð þótt ásamt öðru styrkja mjög þá
skoðun, að sagan væri býsna gömul. Smám saman hefur runn-
ið upp fyrir gagnrýnendum, að höfundar íslendingasagna
beinlínis forðast að endursegjaóbreytt söguefni eldri rita. Þeir
kjósa fremur að bæta við eða fylla í skörðin. Þeir hika ekki við
að fara með ritaðar heimildir eftir eigin geðþótta, hrófla við
þeim á ýmsar lundir og laga yrkisefnið að þörfum þess verks,
sem þeir eru að setja saman. Þeir sækja föng í allar áttir, eftir
því sem hugurinn girnist. Þeir skálda. Rittengslin geta fyrir
þær sakir verið einungis fólgin í smáatriðum eða hugmyndum,
sem erfitt er að festa hendur á. Aðalregla íslendingasagna er
að láta vera að geta um heimildir sínar, þó að frá því séu marg-
ar undantekningar. Þess vegna eru tilvitnanir til eldri rita til-
tölulega fátíðar í íslendingasögum. Enginn efast t.d. um, að
Njála sækir mikið yrkisefni bæði til Laxdælu og Heiðarvíga-
sögu, en Njáluhöfundur ber ekki við að vitna beinum orðum til
þeirra, eins og raunar fjölmargra annarra ritheimilda, sem
2 Ritunartimi íslendingasagna, 92.
Almennt um rittengsl sjá m.a. Einar Ólafur Sveinsson: Ritunartími íslend-
ingasagna, 92-112.