Studia Islandica - 01.06.1993, Blaðsíða 131
129
Styrr brýtur lög á búandkörlum. Þegar hann taldi sig eiga
sakir á hendur Einari í Akureyjum, lét hann „dómendr dœma
sér stórar fébœtr“, svo sem áður greinir, og sló eign sinni á
Akureyjar, en enginn mælti í móti. Styrr þiggur bersýnilega
ekki aðeins mútur til að halla réttu máli, heldur ber hann mút-
ur í dóm eða jafnvel ógnar dæmendum. Margur fer til helvítis
fyrir minna.
í Ártíðaskrá Helgafellsklausturs er ártíð Styrs talin 2. nóv-
ember.1 Fræðimenn ætla aðalstofn skrárinnar vera eigi eldri
en frá 13. öld, og því hefur sætt nokkurri undrun, að nafn
Styrs skuli ritað þar. Tímans vegna gæti ártíð Styrs verið þegin
frá Heiðarvígasögu, en ritskýrendum hefur ekki dottið það í
hug. Sigurður Nordal hefur velt þessu fyrir sér:
En hvers vegna fóru Helgafells munkar á 13. öld að gizka á ártíð
Styrs, en ekki t.d. Guðrúnar Ósvífursdóttur, Þorkels Eyjólfs-
sonar, Gellis Þorkelssonar, Þorkels Gellissonar o.s.frv.? Á því
er enginn efi, að Styrr var ráðinn voveiflega af dögum. Þó að
kristni væri þá ung í landinu, er engin fjarstæða að geta sér þess
til, að skyldmennum hans hafi þótt hann lítt búinn við dauða
sínum og uggvænt um sáluhjálp hans. Má því vera, að snemma
hafi verið gerðar ráðstafanir til þess, að sálumessa væri sungin á
dánardegi hans ár hvert.2
Ekki verður á móti borið, að Styr hafi gefist lítið tóm til skrifta
og iðrunar og verið þess vegna lítt búinn undir héðanför, en
sömu sögu er að segja af sjálfum Þorkeli Eyjólfssyni, sem
drukknaði í hvassviðri á Breiðafirði. Hann var mestur höfð-
ingi við Breiðafjörð um sína daga og sat þar að auki að Helga-
felli. Samt er hann ekki í skránni, eins og Sigurður Nordal
drap á.
Heiðarvígasaga skýrir frá því, að bein Styrs hafi fljótlega
eftir dauða hans verið tekin upp og flutt að Helgafelli, þegar
Hraunskirkja brann.3 Sigurður Nordal getur þess til, að eignir
hennar hafi þá lagst til Helgafells með þeirri kvöð að syngja
1 Sjá Jón Þorkelsson: íslenzkar ártíðaskrár, 87, 91.
Hvs., cxxiii.
Hvs., 235.