Tímarit Hins íslenzka bókmentafélags - 01.01.1891, Page 293
293
úrelt orð, en þegar á allt er litið, er óhætt að segja,
að aldrei hefur íslenzk saga verið smíðuð eða ort
upp jafnvel af nokkrum manni og Laxdæla hefur
verið ort upp af Morris. Friðþjófs saga eptir Esaías
Tcgnér hefur marga kosti, en stendur langt á baki
Guðrúnarkviðu Morris, því engan sögu-ilm leggur af
henni. Hún er safn af ljómandi fögrum kvæðum
frá nítjándu öld.
Leikrit Oehlenschlagers »Kiartan og Guðrún« er
ort á ellidögum hans og eimir lítið eptir afLaxdælu
í þvi. í stað þess að halda sér við söguna, hleypur
Oehlenschlager í gönur svo langt frá henni, að nærri
ekkert af því, sem gerist í leikritinu, á nokkra heim-
ild að rekja til sögunnar, heldur einungis til ímyndunar-
afls Oehlenschlagers. Hjá honum læzt Guðrún vilja
vera systir Kjartans og tælir bæði haun og Bolla.
Kjartan mætir þeim Bolla og Guðrúnu; þau eru á
ieiðinni heim til sín úrkirkjunni, sem þauvorugefm
saman í. Kjartan lætur þau eigast og lýkur æfi
sinni þannig, að Guðrún skýtur hann til bana með
ör í faðminum á Ingibjörg, sem lendir í Borgarfirði
á skipi sínu. Margirkoma fyrir í leikriti hans, sem
ekki eru nefndir í sögunni, og ekki verður heldur
sagt, að hann hafi bætt hana með því, að breyta
henni þannig eptir hugþótta sínum og smíða hana
upp aptur.
»The Fosteringof Aslaug«, fóstur Áslaugar,er sögð
í desembermánuði; hún ertekin eptirVölsunguogRagn-
ars sögu Loðbrókar, og segir Morris skemmtilega frá
dóttur Sigurðar Fofnisbana; en ekki stendur þó þessi
saga jaínfætis Laxdæla sögu hans, enda er efnið ekki
jafn ágætt í sjálfu sér.
«The Story of Sigurd the Volsung and the Fall
of the Niblungs« er löng drápa í fjórum bindum