Studia Islandica - 01.06.1993, Qupperneq 227
225
Það má ganga að því vísu, að þessi ummæli hafi orðið tilefni
til frásögunnar í Grettissögu, eins og Guðni Jónsson hefur
bent á. Víða er gneistaflug milli sagnanna.
Nærtækt er að gera ráð fyrir, að griðamál Heiðarvígasögu
gangi aftur í Grettissögu, og mér kæmi hreint ekki á óvart, að
hugmyndin að sögulokum Grettissögu út í Miklagarði væri frá
Heiðarvígasögu runnin, þó að rætur Spesarþáttar liggi auð-
sæilega í ævintýrum miðalda. Grettis „var hefnt út í Mikla-
garði, sem einskis annars íslenzks manns“.' Þessi orð má
virða sem óbeina tilvísun til frásagnar Heiðarvígasögu af Þor-
steini Víga-Styrssyni og Gesti, en með þeim tókust hins vegar
sættir í Miklagarði, eins og fyrr segir.2
Nafngiftir eru oftsinnis góður leiðarvísir um tengsl sagna.
Ekki er það einskis virði, að Þorsteinn, bróðir Grettis, skuli
fara allar götur til Miklagarðs til hefnda líkt og Þorsteinn Víga-
Styrsson, og að Spes „hin göfuga garðshúsfreyja“ skuli heitin
nafni, sem er náskylt nafni Auðar, konu Barða. Spes (þ.e. von)
höfundar tengist gæfunni, svo sem sjá má af orðum sögunnar:
Hafa þat flestir menn sagt, at Þorsteinn drómundr ok hans kona
Spes þy kkj a verit hafa inir mestu gæfumenn, ór því sem ráða var.3
Vafalaust mun mörgum þykja hér of langt gengið, en þetta er
engin firra, þegar menn hafa kynnst náið vinnubrögðum
miðaldahöfunda. Mig fýsir að nefna örsmátt dæmi, sem segir
mikið um rittengsl, nafngiftir og skáldskap.
' Grettiss., 290.
Frásögn Grettissögu minnir á Heiðarvígasögu (og Laxdælu): „í þenna tíma
fór mart Norðmanna út í Miklagarð ok gengu þar á mála. Af því þótti Þor-
birni fýsiligt at fara þangat ok afla sér svá fjár ok frægðar, en hafa sik eigi í
Norðrlgndum fyrir frændum Grettis. Bjó hann nú ferð sína ór Nóregi ok
fór út í l<?nd ok létti eigi, fyrr en hann kom út í Miklagarð ok gekk þar á
^ mála; dvalðisk hann þar um hríð.“ Grettis s., 271.
Grettis s., 289. Spes er óhugsandi sem rétt nafn á grískri konu. Þess skal þó
getið, að kvennanöfnin Fides, Spes og Karitas, sem sprottin eru upp af orð-
um Páls postula um dyggðirnar þrjár: Trú, von og kærleikur (1. Kor. 13,
13), tíðkast í sumum þjóðkirkjum. Karitas er kunnugt íslenskt nafn. Til
er sérstök saga um Spes, Fides og Caritas. Sjá Heilagra manna sögur
(Unger) 1, 369 o.áfr. Sjá Sigfús Blöndal: Væringjasaga, 323.