Hlín - 01.01.1939, Page 169

15
Hlín
Það koma pft kvakandi gestir,
ef kuldi er úti og jel,
í sumar þeir systkinin glöddu
með söng — og þau launa hann vel.
í sumar sungu litlu fuglarnir:
„Sól, sól, sól, sólskin í hverri laut, og Kystu mig sól“.
En nú er kominn kuldi og dimmviðri og snjór yfir
öllu, svo litlu fuglarnir finna ekki svo mikið sem eitt
lítið fræ í nef sitt. — Það er kuldahljóð í röddinni. —
Þeir eru að biðja að gefa sjer. — Börnunum þykir
vænt um fuglana og skilja hvað þeir eru að segja. —
Pabbi negldi lítinn kassa við gluggann, og börnin gefa
fuglunum brauðmola, smjörbita og ost. — Fuglarnir
kalla á vini sína og segja þeim frá góðu börnunum í
litla húsinu. — Það er kominn heill hópur. — Nam!
Nam! — Hlustaðu á fuglana, bæði í sorg og gleði. —
Reyndu að skilja þá. — Taktu eftir öllum háttum
þeirra. Reyndu að þekkja sem flesta fugla. — Kastaðu
aldrei steini. — Það gera ekki góðu börnin. — Öll góð
börn eru dýravinir. — Guð minn góður:
Gef mín störf til góðs æ leiði,’
gef þau út þitt ríki breiði.