Árbók Háskóla Íslands - 02.01.1933, Blaðsíða 217

213
f) Að reyna eftir megni að gera ráðstafanir mllliþjóðaeðlis til þess
að stemma stigu fyrir sjúkdómum og hafa gæzlu á þeim.
24. gr.
1. Allar milliþjóðaskrifstofur, sem þegar hafa verið settar á fót sam-
kvæmt samningum margra ríkja, skulu faldar stjórn Þjóðabandalags-
ins, enda samþykki aðiljar það. Allar slíkar skrifstofur millirikjaeðlis
og allar nefndir, er fara skulu með milliþjóðaefni, og hér eftir verða
settar á stofn, skulu vera undir stjórn bandalagsins.
2. Skrifstofa bandalagsins skal, svo framarlega sem aðiljar æskja þess
og ráðið samþykkir það, safna og útbýta þörfum upplýsingum og láta
i té nauðsynlega eða æskilega aðstoð við meðferð mála, er varða milli-
rikjaefni og skipað er með millirikjasamningum, en ekki hafa verið
falin milliríkjaskrifstofum eða nefndum.
3. Ráðið getur ákveðið að telja allan kostnað af skrifstofum eða
nefndum, sem faldar eru stjórn Þjóðabandalagsins, til kostnaðar af
skrifstofu sinni.
25. gr.
Félagar Þjóðabandalagsins eru sammála um að hvetja til og styðja
stofnun og samvinnu Rauða kross félaga, er menn koma á fót sjálf-
viljugir í hverju einstöku landi og fengið hafa lögmæta viðurkenn-
ingu, enda hafi félög þessi það markmið, að stemma stigu fyrir
sjúkdómum og lina þjáningar á jörðinni.
26. gr.
1. Breytingar á sáttmála þessum ganga í gildi, jafnskjótt er þeir fé-
lagar Þjóðabandalagsins, sem sæti eiga í ráðinu, og meiri hluti þeirra
bandalags félaga, sem sæti eiga á þinginu, hafa staðfest þær.
2. Sérhverjum félaga Þjóðabandalagsins er rétt að synja stnðfest-
ingar á breytingum á sáttmálanum, en þá eru þeir úr bandalaginu.