Heilbrigðisskýrslur - 01.12.1949, Blaðsíða 212
210
erfitt og útilokað að koma sjúklingi frá sér til Reykjavíkur, ef nauð-
syn krefur. Nokkur bót í því máli mun verða flugvöllur sá á Kambs-
nesi, sem tekinn hefur verið í notkun á árinu, enda þótt hann hafi
ekki enn þá verið notaður til slíkra hluta.
Reykhóla. Ferðalög geta verið mjög erfið hér. Bilvegur er aðeins
um helming héraðsins, þ. e. austara hluta þess. Vegur þessi er þó ekki
akfær að vetrinum, nema þegar mjög snjólétt er, enda þótt jeppi sé
til ferðalaga. Vestari hluti héraðsins er mjög illur yfirferðar, enginn
bílvegur, aðeins grýttir götutroðningar og víða yfir snarbratta hálsa að
fara; er því oftast farið á sjó það af leiðinni, sem mögulegt er, en
tveir óvinir eru þar sérstaklega á vegi manns, og það eru útfirið og
ísalögin.
Árnes. Héraðið nær nú frá Ófeigsfirði að Veiðileysu, en að vísu eru
í héraðinu 2 bæir í Staðarhreppi, Kleifar og Kaldbakur, en munu alltaf
leita læknis á Hólmavík, og þekki ég þvi þar ekkert til. í eyði eru þessir
staðir: Skjaldabjarnarvík, Drangar, Drangavík, Fell, Árnes, Kúvíkur
(dvelst þar gamalmenni með fávita, syni sínum), Kolbeinsvík og
Byrgisvík. Árnes er nytjað frá Norðurfirði, og mér er tjáð, að bóndi
hafi lífstíðarábúð á hálfri landjörð og % eyjar, en umráð yfir
hinum partinum, meðan prestlaust er. Vatnsrafstöð á Eyri, Djúpavík,
Ófeigsfirði, en mótorrafstöð í báðum verksmiðjum, Veiðileysu, Kaup-
félaginu á Norðurfirði og barnaskólanum og víða vindrafstöðvar, sem
reynast illa. Vegagerðir eru litlar, en þó má aka frá Eyri í Árnes á
jeppa og frá Djúpavík að Reykjarfjarðarbæ. Frá miðjum júní og frana
í september ferðaðist ég á hestum, en annars gangandi. í sumar ann-
aðist bátur ferðir tvisvar í viku frá Eyri til Hólmavíkur, með við-
komustað á Norðurfirði, Gjögri, Djúpavík og víðar, ef með þurfti.
Sveitasími nærri því á hverjum bæ.
Blönduós. Um aðgerðir utan sjúkrahússins er ekki að ræða nema eina
tangarfæðingu og minna háttar viðgerðir, einkum á lækningastofu
minni í Höfðakaupstað. Ég hef ekki lent í neinum verulega erfiðum
ferðum á árinu, enda fara samgöngur batnandi mjög hin siðari ár,
og er einkum mikil bót að hinum nýja Skagastrandarvegi, en sá
kafli héraðsins var áður einna verstur yfirferðar á vetrum.
Grenivíkur. Ferðir sumar, haust og vor eru nú að mestu leyti farnar
í bíl. Jeppi sá, er ég átti, var nú síðast liðið vor dæmdur ónýtur, og
hef ég síðan verið bíllaus, en það er mjög bagalegt. Þó að hér séu
nokkrir jeppar í héraðinu, er ekki alltaf á vísan að róa, og ferðir
verða einnig dýrari. Vetrarferðir eru farnar gangandi eða á skíðum,
og svo ríðandi, sé hægt að koma hestum við.
Kópaskers. Einkum óþægilegt, að Raufarhöfn, rúmlega 300 íbúa þorp,
liggur í 56 km fjarlægð frá Iæknisbústaðnum og akvegur mjög slæm-
ur á milli. Þó er enginn efi á, að læknirinn er bezt settur til hjálpar
héraðsbúum í heild þar, sem hann nú situr. Allar ferðir voru farnar
á bifreiðum, því að snjór teppti furðu sjaldan bílaumferð um hér-
aðið, að undan skildum Hólsfjöllum, sem ætíð eru úr aksambandi
við aðra hluta héraðsins allan veturinn. Óþægindi eru fyrir lækni og
héraðsbúa, að hann skuli ekki hafa bifreið til umráða, en hana hefui'