Heilbrigðisskýrslur - 01.12.1949, Qupperneq 70

68
Flateyrar. Kom upp á einu heimili í héraðinu, en breiddist ekki út
(ekki á mánaðarskrá). Hefur hans ekki orðið vart hér í mörg ár fyrr
en nú.
Árnes. í marz var ég beðinn að skoða barn í barnaskólanum. Reynd-
ist það vera með kláða og 14 alls; voru þá öll börnin tekin til kláða-
lælcningar. Síðan hef ég verið beðinn um kláðameðul frá mörgum
heimilum, og telja allir, að veikin hafi borizt úr skólanum, en öllum
börnunum var batnað, er þau fóru heim. Ég hef ekki sett þessi til-
felli á skýrslur, því að þau, sem ég hef séð, voru elcki kláðatilfelli,
heldur var þar um lúsabit að ræða og önnur óskyld litbrot.
Hólmavíkur. Alltaf nokkur tilfelli árlega.
Blönduós. í 1 skipti á konu á fertugsaldri, en ókunnugt um smitun
(4 tilfelli reyndar skráð).
Sauðárkróks. Sem betur fer að verða sjaldgæfur. 3 af 4 skráðum
úr sömu fjölskyldu, sem áreiðanlega hafði smitazt utan héraðs, á
ferðalagi.
Akureyrar. Af kláða hafa komið fyrir einstök tilfelli á árinu og
yfirleitt gengið vel að lækna (ekkert tilfelli á mánaðarskrá).
Vopnafi. Varð ekki var við þann leiða kvilla á árinu, og er hann
vonandi úr sögunni í bili.
Seyðisfi. Eitt og eitt tilfelli (ekkert á mánaðarskrá).
Búða. Lítið borið á ldáða.
Djúpavogs. Hefur verið hér viðloðandi allt árið á Djúpavogi, og ætlar
að ganga illa að ganga af honum dauðum, mest vegna hirðuleysis og
tregðu eins fjölmenns barnaheimilis.
Breiðabólsstaðar. 4 vafasöm tilfelli.
Vcstmannaeyja. Enginn sjúklingur skráður á mánaðarskrár, en
ég veit um 4 sjúklinga, sem læknaðir voru.
Stórólfshvols. Enginn sjúklingur skráður í þetta sinn, en ég býst
þó við, að enn þá sé hann ekki með öllu útdauður.
Keflavíkur. Þessi vanþrifakvilli er viðloða og slcýtur upp koll-
inum öðru hverju.
8. Krabbamein (cancer).
Töflur V—VI.
Sjúklingafiöldi 1940—1949:
1940 1941 1942 1943 1944 1945 1946 1947 1948 1949
Sjúkl. .. . 74 75 57 50 58 49 47 50 48 56
Dánir ... .. . 148 189 162 194 178 188 155 189 193 190
Sjúklingatölur eru hér greindar samkvæmt mánaðarskrám.
Á ársyfirliti um illkynja æxli (heilaæxli ekki meðtalin), sem borizt
hefur úr öllum héruðum, eru taldir 346 þess háttar sjúklingar (marg-
talningar leiðréttar), 200 í Reykjavík og 146 annars staðar á land-
inu. Af þessum 200 sjúklingum í Reykjavík voru 56 búsettir í öðrum her-
uðum án þess að koma til skila á skýrslum þaðan. Sjúklingar þessir,
húsettir í Reykjavík, eru því taldir 144, en 202 í öðrum landshlutuni.
Eftir aldri og kynjum skiptust sjúklingarnir þannig: