Heilbrigðisskýrslur - 01.12.1949, Qupperneq 196

194
skyldustærð, en margir fleiri fengu bætt húsnæði við tilfærslur, er
stærri fjölskyldur fluttust í nýju húsin. Enn er þó nokkuð eftir af
heilsuspillandi húsnæði, en horfur eru á, að úr rætist bráðlega, meðal
annars vegna byggingar nýrra verkamannabústaða. Ný og vönduð
vatnsleiðsla var lögð úr Tungudal, og er það hið mesta mannvirki.
Einnig var lagfært bæjarkerfið að nokkru, en nokkuð er eftir enn.
Nú þegar hefur brugðið svo við, að alls staðar í bænum er yfirfljót-
anlegt vatn, og eru það mikil viðbrigði frá því, sem áður var. Gert var
við skólpveitu í efra hluta bæjarins, eða inn með Seljalandsvegi, en
þar hafði áður vantað skólpveitu í nokkur hús. Enn er eftir að lengja
skólpveituna við bæjarbryggjuna, en af henni stafar hætta fyrir sjó-
menn, sem vinna þar við báta sína á fjörum. Byrjað er á uppfyllingu
í bugnum sunnan við sjúkrahúsið, en af þeim fjörum stafaði oft
ólykt vegna skólpleiðslunnar frá sjúkrahúsinu, einkum á stórstraums-
fjörum. Miklum mun er nú hirðing sorps auðveldari en áður, eftir að
hitari var settur í fiskmjölsverksmiðjuna, því að nú er hæg't að vinna
úr öllum fiskbeinum og slógi jafnharðan og það fellur til. Annað sorp
fer í uppfyllingu innan við Torfnesið, en þar er ætlunin, að komi
íþróttavöllur síðarmeir.
Ögur. Húsbyggingar eru engar í héraðinu, nema hvað byggður var
upp bær, sem brann. Viðhald einnig lélegt, mest vegna efnisskorts.
Árnes. í smíðum mikið verzlunai’hús á Norðurfirði. Á að vera íbúð
á efri hæð, en verzlun á neðri. Lokið við að reisa vörugeymsluhús þar
hjá. Húsakynni má telja sæmileg víðast hvar, nema á einu býli, en þar
er húsnæði allt of lítið fyrir fjölskylduna. Þrifnaður er góður innan
húss, nema á 2—3 bæjum, en óþrifnaður í kringum bæi er með fá-
dæmum mikill sums staðar. Lús tímgast hér víða vel. Salerni mun vera
á flestum heimilum í Djúpavík, Eyri, barnaskólanum á Finnbogastöð-
um, og 4—5 bæjum öðrum, en þar sem salerni er ekki, mun fjósið
tíðast notað.
Hólmavíkur. 2 steinhús eru enn í smíðum á Hólmavík, en gengur
illa vegna efnisskorts. Þá hafa 2 hús verið flutt utan af Selströnd
og reist og endurbætt á Hólmavík.
Hvammstanga. Húsakynni fara batnandi; í sveitum voru byggð eða
byrjað á byggingu 8 nýrra íbúðarhúsa. Á Hvammstanga var lokið bygg-
ingu eins íbúðarhúss, en 4 í smíðum. Þá hafa og alhnargir stækkað
og lagfært húsakost sinn, þann, er fyrir var. Þrifnaður hefur og farið
batnandi, þar sem mest var áður ábótavant og mun nú yfirleitt mega
heita mjög sæmilegur, eftir því sem tök eru á, en sums staðar ágætur.
Holræsagerð á Hvammstanga hefur bætt mjög þrifnað í þorpinu. Lús
mun nú horfin að mestu eða öllu leyti.
Blönduós. Húsakynni hafa farið mjög batnandi hin síðari ár, og
flest þau hús, sem byggð hafa verið, bæði i kauptúnunum og' sveit-
unum, mjög myndarleg og sum jafnvel með talsverðum íburði. Ekni
voru þó reist jafnmörg ný hús að þessu sinni eins og næstu árin a
undan. I Höfðakaupstað voru samt byggð allmörg ný hús, en þó er
þar húsnæðisekla vegna innstreymis fólks og einnig hins, að fólk
gerir nú miklu hærri kröfur í þessum efnum en áður tíðkaðist. Þrifn-
aður hefur aukizt, og er einkum áberandi, hve lúsin hefur eyðzt, eins