Heilbrigðisskýrslur - 01.12.1949, Qupperneq 207
205
fræða einstaldinga, eftir þvi seni færi gefst, en félagslíf er hér mjög
lítið og því erfitt um ^ik.
Vestmannaeyja. Fólki leiðbeint í þessum efnum, eftir þvi sem
ástæður leyfa.
11. Skólaeftirlit.
Tafla X.
Skýrslur um skólaskoðanir vantar í þetta sinn úr 2 læknishér-
uðum (Kleppjárnsreykja og' Hesteyrar) og taka til 13904 barna.
Samkvæmt heildarskýrslu (tafla X), sem gerð hefur verið upp úr
skólaskoðunarskýrslum héraðslæknanna, hafa 12069 börn, eða 86,8%
allra barnanna, notið kennslu í sérstökum skólahúsum öðrum en
heimavistarskólum, 482 börn, eða 3,5%, hafa notið kennslu í heima-
vistarskólum, en þau hafa þó hvergi nærri öll verið vistuð í skólunum.
982 börn, eða 7,0%, hafa notið kennslu i sérstökum herbergjum i
íbúðarhúsum og 371, eða 2,7%, í íbúðarherbergjum innan um heim-
ilisfólk. Upplýsingar um loftrými eru ófullkomnar, en það virðist
vera mjög mismunandi: í hinum almennu skólahúsum er loftrými
minnst 1,6 m3 og mest 11,7 m3 á barn, en jafnar sig upp með 3,7 m3.
í heimavistarskólum 1,4—20,1 m3, meðaltal 5,8 m3. í hinum sérstöku
kennsluherbergjum í íbúðarhúsum 2,3—6,0 m3, meðaltal 3,6 m3.
í íbúðarherbergjum 2,2—9,7 m3, meðaltal 3,2 m3, sem heimilisfóllcið
notar jafnframt. í hinum sérstöku skólahúsum, þar sem loftrýmið
er minnst, er það oft drýgt með því að kenna börnum til skiptis í
stofunum. Vatnssalerni eru til afnota í skólunum fyrir 12408 þess-
ara barna, eða 89,2%, forar- og kaggasalerni fyrir 1431 barn, eða
10,3%, og ekkert salerni fyrir 65 börn, eða 0,5%. Leikfimishús hafa
9999 barnanna, eða 71,9%, og bað 10814 börn, eða 77,8%. Sérstakir
skólaleikvellir eru taldir fyrir 9602 börn, eða 69,1%. Læknar telja
skóla og skólastaði góða fyrir 10994 þessara barna, eða 79,1%, viðun-
andi fyrir 2517, eða 18,1%, og óviðunandi fyrir 393 eða 2,8%.
Að öðru leyti láta læknar þessa getið:
Hafnarff. Bæjarhjúkrunarkonan hafði eftirlit með börnunum eins
og að undanförnu. Allmörg börn fengu ljósböð.
Akranes. Eins og að undanförnu var skólaskoðun framkvæmd í
öllu héraðinu á síðast liðnu hausti. Farskólastaðir voru að nokkru
hinir sömu og áður. Hér á Akranesi hefur engin breyting orðið á um
húsakynni barnaskólans. En nú hefur verið hafizt handa um byggingu
barnaskóla, og er húsið komið undir þak. Verður vonandi tekið i
notkun að hausti. Eins og að undanförnu hefur hjúkrunarkonan
þrifnaðareftirlitið í barnaskólanum.
Borgarnes. Skólaskoðanir fóru fram eins og venjulega, og voru
börnin hraust. Skólahúsið í Borgarnesi var fullgert á árinu, en tekið
í notkun í ársbyrjun. Er það myndarlegt hús með 4 skólastofum,
leikfimishúsi, smíðastofu, skólaeldhúsi og íbúð, ætlaðri skólastjóra.
Auk þessa ýmis herbergi, skrifstofur o. fl.
Ólafsvíkur. Skólahús eru á Arnarstapa, Hellissandi (bæði ný-