Heilbrigðisskýrslur - 01.12.1949, Qupperneq 233
231
10. Nánari leiðbeiningar verða yður að sjálfsögðu veittar, ef þér
teljið þeirra þörf og leitið eftir þeim.
Þess skal að lokum getið, yður til fróðleiks, að hin Alþjóðlega
sjúkdóma- og dánarmeinaskrá Alþjóðaheilbrigðisstofnunarinnar er
mikið rit i 2 bindum og heitir Manual of the International Statistical
Classification of Diseases, Injuiies and Causes of Death. Kosta bæði
bindin 30 sh. eða $ 6.00 og fást hjá Alþjóðaheilbrigðisstofnuninni
(The World Health Organization, Geneva, Switzerland). 1 fyrra bind-
inu er sjálf sjúkdóma- og dánarmeinaskráin með skýringum, en í
hinu registur sjúkdóma- og dánarmeinaheita í stafrófsröð. Er ritið
að sjálfsögðu hið fróðlegasta og þarfasta fyrir alla lækna, þó að á
skorti, að hin alþjóðlegu sjúkdómaheiti séu greind eins og þau eru
oss íslendingum tömust (þ. e. á latínu).
6. nóvember 1952.
Með því að enn ber á því, að dánarvottorð fari á ringulreið, eink-
um þegar útför hlutaðeigandi látins manns er gerð í annarri sókn
en hann deyr í, beini ég því til héraðslækna að gæta eftirfarandi,
þegar þeir gera úr garði dánarskýrslur sínar:
1. Ætlazt er til, að héraðslæknar láti fylgja dánarskýrslu hvers árs
dánarvottorð fijrir alla þá, er látizt hafa í héraði hans á árinu.
2. Nú hefur héraðslækni ekki borizt dánarvottorð fyrir látinn mann
i héraði hans, þegar að þvi er komið, að gengið sé frá dánar-
skýrslu, og gerir þá héraðslæknirinn gangskör að því að hafa
uppi á dánarvottorðinu með því að snúa sér til aðstandenda hins
látna, prestsins, sem jarðsetti hann, héraðslæknis í héraði því,
þar sem útförin var gerð, eða á hvern þann hátt annan, sem verða
má til þess, að vottorðið komi í leitirnar.
3. Ef ókleift reynist að hafa uppi á dánarvottorði, ritar héraðs-
læknir, ef hann hefur sjálfur gert úr garði hið upphaflega vott-
orð, nýtt dánarvottorð, en ella fær hann það ritað af nýju af
lækni þeim, sem vottorðið ritaði upphaflega. Á slíkt vottorð
skal rita greinilega: Endurritað. Nú næst ekki til þess læknis,
sem dánarvottorð ritaði upphaflega, og ritar þá héraðslæknir
sjálfur nýtt vottorð eftir beztu fáanlegum heimildum og lætur
atvika getið á vottorðinu.
4. Ef til héraðslæknis slæðist dánarvottorð, sem fara á til annars
héraðslæknis en hans, gerir héraðslæknirinn sér far um að koma
því sem fyrst í réttar hendur, þó að jafnaði þannig, að hann
endursendi það hiutaðeigandi sóknarpresti með leiðbeiningum
um, hverjum héraðslækni honum beri að senda vottorðið.
Ég vænti, að héraðslæknum skiljist, að með þessu er ekki verið
að auka þeim umstang eða erfiði. Ef dánarvottorð kemur ekki fram,
verður hvort sem er ekki komizt hjá að leggja fyrir hlutaðeigandi
héraðslækni að hafa uppi á vottorðinu, rita það eða fá það ritað á ný,
og er þá að jafnaði hægara við að fást, því skennnra sein liðið er frá
mannsláti.