Prestafélagsritið - 01.01.1928, Blaðsíða 207
Prestafálagsriíið.
PRESTAFÉLAGIÐ.
1. Bðkaútgáfa.
í september í fyrra sendi félagið frá sér bókina „Heimilisguðrækni. —
Nokkrar bendingar til heimilanna". Var rit þetta prentað í þrjú þúsund
eintökum og sent öllum prestum og kennurum landsins með ósk um, að
þeir vildu gerast útsölumenn þess og fá aðra til þess. Hafa menn brugð-
ist svo vel við ósk þessari, að 10 mánuðum eftir útkomu ritsins voru
aðeins 70 eintök eftir óseld hjá reikningshaldara þess og útsendingar-
manni. Var áhugi sumra manna mikill á því að greiða bók þessari götu
til sem flestra heimila í landinu. Er sala bókar þessarar gleðilegt tím-
anna tákn um vaxandi skilning á gildi heimilisguðrækninnar, og sýnir
bezt, hve alment menn þrá að göfga heimili sín með guðstilbeiðslu í
einrúmi og sameiginlegum guðræknisiðkunum.
Enn hefir verið hægt að fullnægja eftirspurninni eftir 100 hugvekjum,
en nú eru aðeins örfá eintök eftir hjá útsendingarmanni. Ef einhver ein-
tök kynnu að liggja óseld hjá einhverjum presti eða öðrum útsölumanni,
eru þeir vinsamlega beðnir að senda þau til præp. hon. Skúla Skúla-
sonar, eða láta hann vita um þau, til þess að hann geti ráðstafað þeim.
Prestafélagsritið kemur nú í tíunda sinnið til manna, og vonum vér
að mörgum þyki það góður gestur á heimili sínu. Vænt væri að eiga
sem flesta Iesendur þess að með útbreiðslu ritsins. Treystir stjórn Presta-
félagsins leikmönnum þeim, sem áhuga hafa á kristindóms- og kirkju-
málum, víðsvegar í sveitum landsins og í kaupstöðunum, til þess að vera
samverkamenn prestanna að útbreiðslu ritsins og afla því sem flestra
kaupenda.
Annar árgangur ritsins er nú alveg uppseldur, en 1. árg. og 3.— 7.
árg. fást enn með verði því, sem auglýst var í fyrra, 1, árg. á 1 kr., en
hinir á 2 kr. hver. Félagið kaupir 2. árg., ef einhver kynni að vilja selja.
Óskir hefi eg fengið í bréfum um stækkun ritsins. Meðal annars skrif-
aði einn af alþingismönnum vorum mér um það á þessa leið: „Mér er
næst að ætla, að ritið nyti sín betur, ef það kæmi út í litlu handbókar-
formi þriðja hvern mánuð, hagaði efnisvali nokkuð eftir árstíðum og
leitaði stuðnings safnaða til útgáfu og útbreiðslu. Hugmyndalíf fólksins
13