Prestafélagsritið - 01.01.1928, Qupperneq 45

40
Magnús Jónsson:
Prestafélagsrítiö..
hefði í raun og veru lifað og starfað á þessari jörð! Það mun
líka vera öldungis óhætt að trúa því. Þegar alt var vefengt,
sem í Nýja-testamentinu stóð, fóru menn að leita utan þess.
Og þó að það fáa, sem þar er hægt að finna um kristnina á
elzta æfiskeiði hennar, sé einnig vefengt, þá eru þó til staðir
bæði hjá rómversku sagnriturunum Tacítusi og Svetóníusi^
sem ekki verður komist kringum, og Jósefus talar um Jóhannes
skírara á þann hátt, að fullkomlega kemur heim við frásagnir
guðspjallanna um hann. Sýnir það, að ekki eru þau þá ein-
tómar goðsagnir. En þó hafa Pálsbréf reynst erfiðastur ljár í
þúfu þeim, sem vilja koma Kristi sögunnar alveg út úr veröld-
inni. Því að þrátt fyrir vægðarlausa gagnrýni, halda helztu
bréf hans velli, og má árfæra þau sæmilega nákvæmt. Vér
eigum því, þar sem þau eru, safn af hreinum fornbréfum,
sem eru bezta heimild, er hugsast getur. Páll postuli, sem
lifði samtímis Jesú, snerist til kristinnar trúar örfáum árum
eftir dauða hans og ritaði þessi bréf, hann ætti ekki að vita,
að þessi Jesús var í raun réttri ekkert annað en goðsögn
um einhvern austurlenzkan hálfguð!
En sterkasta röksemdin gegn þessari kenning er þó í raun
réttri sú, hve gífurlega ótrúleg hún er svona alment á litið.
Áhrifamesta persóna mannkynssögunnar á að vera tóm hug-
mynd og misskilningur, sem myndast í hugum manna, án þess
að nokkur viti hvernig þau firn ske. Það er rétt, sem sagt
hefir verið um þetta, að ef rétt væri, þá væri það mesta
kraftaverk, sem nokkru sinni hefir verið sagt frá og ótrúlegra
en nokkurt af kraftaverkunum, sem menn eiga nú svo erfitt
með að trúa. Hase sagði um þessa kenning þá smellnu setning,.
að hann gæti alveg eins vel fallizt á það, að dómkirkjan í
Strassburg hefði aldrei verið reist, heldur myndast á einni
nótt eða smátt og smátt af göturyki, sem stormar hefðu
þyrlað upp.
En þó að þetta mál sé nú væntanlega úr sögunni, þá er
langur vegur frá því, að öll vandamál sé leyst. Wrede hafði
neitað því, að Jesús hefði sjálfur þótzt vera Messías. En
hvernig á þá að gera sér grein fyrir því, að þegar eftir dauða