Prestafélagsritið - 01.01.1928, Blaðsíða 115

Prestaféiagsritiö. Frá Reykholtsprestum. 109
Gilsbakka. Hann var talinn mikill myndarmaður, búhöldur
ágætur og fjáður vel. Hestamaður var hann mikill og voru
sumir reiðhestar hans mjög nafnfrægir, enda alt hans hesta-
kyn orðlagt. Fremri var hann talinn í bústjórn en prestsverk-
um, sem voru þó af flestum álitin sæmileg. Sumir töldu þó
ræður hans léttvægar með köflum og höfðu að skopi setning-
ar úr þeim. Var það einkum Böðvar Sigurðsson bóndi á
Hofsstöðum, sem til þess var nefndur. Barst skop Böðvars
til eyrna presti og varð þá stundum grunt á því góða á milli
þeirra. Kona séra Eggerts var Guðrún Bogadóttir úr Hrapps-
ey. Börn þeirra voru: Séra Benedikt síðast prestur í Vatns-
íirði, faðir séra Þorsteins síðast á Krossi í Landeyjum og
Eggerís bónda í Laugardælum.
Séra Eggert dó í Reykholti 1832.
Séra Benedikt Eggertsson var aðstoðarprestur hér hjá föð-
ur sínum síðustu æfiár hans. Síðar var hann prestur á Lundi,
því næst á Breiðabólstað á Skógarströnd, en síðast í Vatns-
firði. Harin dó þar 1872. Kona hans var Agnes Þorsteinsdóttir.
Flutti hún að Signýjarstöðum eftir lát manns síns og bjó þar
nokkur ár, þangað til Þorsteinn sonur hennar var vígður að
Lundi.
1833 var séra Þorsteini Helgasyni veitt Reykholt. Hann
var af góðu bergi brotinn. Var móðir hans af ætt Jóns Vig-
fússonar biskups á Hólum. Helgi faðir séra Þorsteins var
skólalærður og var í tíð Finns biskups kennari í Skálholti,
en hvarf snemma frá þeim starfa og gerðist bóndi á Móeiðar-
hvoli. Þorsteinn Helgason var vígður til Reykholts 26 ára
Samall, þá nýkominn frá Hafnarháskóla. Þá var orð á því
Sert, hve mikið hann bæri af mönnum. Hann var flestum
niönnum hærri og svaraði sér vel, fríður og karlmannlegur
hvar sem á hann var litið. Jarpur á hár og bjartur yfirlitum.
Stuttleitur og fremur kringluleitur. í fljótu bragði fálátur, en
viðmótsgóður er við hann var rætt. Allir voru hrifnir af glæsi-
mensku hans. Öll prestsverk fórust honum snildarlega og þótti
nnun til hans að heyra. Fyrir búnaðarframförum var hann vel
vakandi. Lét byggja sauðahús í svokölluðu Norðurlandi, þar