Prestafélagsritið - 01.01.1928, Side 214

200
FriÖrik Friðriksson:
Prestafélagsritiö.
með hesta handa mér. Var tilætlunin sú, að leggja af stað frá Eiðum kl.
10 um morguninn. En um morguninn var rigning og þokusúld og það sem
lakara var, hestarnir fundust ekki. Var leitað að þeim fram að hádegi
og fundust þá. Gerði þá og gott veður og þurt og fórum vér all-geyst,
er af stað var komið. Við fórum yfir Lagarfljót á svifferju og komum
til Kirkjubæjar um nónbilið. Fólk var þá enn að koma. Ég fékk ljúf-
mannlegar viðtökur af prestinum þar, séra Sigurjóni Jónssyni. Eftir
nokkra stund var gengið í kirkju og hafði ég að óskum prestsins fulla
messu. Að henni lokinni var drukkið kaffi og kyntist ég þar piltum úr
ungmennafélagi þeirra. Þeir höfðu þar samkomu um kvöldið; fékk aðeins
færi á að ávarpa félagið nokkrum orðum, því nú var meir en mál til
komið að leggja af stað yfir í Jökulsárhlíð. Reið presturinn með og lagði
til hestana. Riðum við nú greitt og fórum á ferju yfir Jökulsá; það er
mikið vatnsfall. Við skildum hestana eftir þeim megin árinnar, er við
komum að henni og bjuggumst við að ganga frá ánni upp að Sleðbrjót,
en er yfir ána kom, var komið með hesta á móti okkur. Stór söfnuður
af yngri og eldri var saman kominn á Sleðbrjót. Þar var haldin sam-
koma með mismunandi efnis-skrá og heimilisiðnaðarsýningu (að ég held).
Atti svo fundardagurinn að enda með erindi mínu. Kl. 11 */< um kvöldið
var svo gengið í kirkju, það er ný steinsteypukirkja mjög snotur, og
verður falleg, er hún er albúin. Það var kirkjufyllir og fór guðsþjón-
ustan fram um lágnættið og endaði 12Vr. Mér fanst eitthvað hátíðlegt við
þessa miðnæfurstund og var ég hrifinn af kyrðinni og hinni lifandi at-
hygli. Komið var fram á nótt, er fólk fór og líktist þetta æfintýri.
Um morguninn vorum við á Sleðbrjót fram yfir hádegi og nutum við
mikillar gestrisni hjá þeim hjónum Stefáni Sigurðssyni og konu hans.
Þar var alt mjög myndarlegt, en bóndinn hinn skemtilegasti í viðræðum
og fróður. Síðan ferjaði hann okkur yfir ána og voru þar fyrir handan
hestarnir á beit hinir rólegustu. Riðum við svo í bezta veðri og góðu
samtali til Kirkjubæjar og töfðum þar um stund. Hefði ég helzt viljað
vera þar um nóttina og njóta frekari viðkynningar við prestinn, en sam-
kvæmt ferðaáætluninni varð ég að halda yfir í Hjaltastaðaþinghá, og
bætti það mikið úr, að presturinn gerði ekki góðvild sína endasleppa,
heldur fylgdi mér sjálfur yfir að Hjaltastað. Við fórum hægt og töluðum
saman og sóttist því ferðin seint. Við komum við að Ketilstöðum og
töfðum þar um stund. Þar tók við okkur Björn Gutformsson, ungur
bóndi mjög skemtilegur og áhugamaður um mál æskulýðsins. Síðan héld-
um við að Hjaltastað og var komið yfir háttatíma. Þar býr Ari læknir
Jónsson og tóku þau hjónin hið bezta við okkur. Er þar vönduð bygg-
ing og heimilisprýði. Séra Sigurjón fór heim um nóttina; hafði hann
stórvel til mín gert í öllum viðtökum. Daginn eftir fylgdi læknirinn mér
niður að Kóreksstöðum, en þar átti samkoma að vera. Hallur Björnsson,
bóndi þar, tók mætavel við mér og var skemtilegt við hann að tala. Þar