Árbók íþróttamanna - 01.12.1956, Side 102
Víkingar hafi verið í stöðugri sókn fyrstu 20 mín. leiksins. Þeir voru
ákveðnir, léku stutta samleikinn og komust hvað eftir annað í góð tæki-
færi, en allt kom fyrir ekki.
Heildarsvipur leiksins knattspyrnulega var mjög jákvæður, og verður
þessi leikur að teljast til hinna betri, sem boðið hefur verið upp á í
sumar, þrátt fyrir slæm skilyrði ...“ (Mbl.).
Akranes 2 — Valur 0 12/8
„Leikurinn var jafnari en búizt hafði verið við, og ekki eins vel leik-
inn, sérstaklega náðu Akurnesingar ekki eins og svo oft áður að láta
knöttinn ganga frá manni til manns ... Samt áttu þeir meiri hreyfan-
leik en ValsmeUn og þeir sjá betur fram í tímann hvað gerist. Mesti
Þrándur í Götu Valsmanna var hve þeir voru staðir, þegar þeir höfðu
ekki knöttinn. Hver einstakur Valsmaður barðist eftir beztu getu og með
hlutfallslega eins sterka framlínu og vörnin var, hefði leikurinn getað
endað á annan veg.
Framlína Akraness sem heild tókst ekki upp og skyldi, og má vera, að
Valsvörnin hafi gætt hennar betur en þeir hafa gert sér grein fyrir ...
(Þjóðv.).
„Ekki var svo að sjá, að þessum liðum hafi hvíldin (frá mótinu) verið
til góðs, Akurnesingar voru langt frá sínu bezta, sem þeii liafa sýnt fyrr
í sumar og Valsliðið eins og höfuðlaus her án sigurvilja og hugsunar.
Fyrsti stundarfjórðungurinn var annars mjög jafn, bæði liðin þreifuðu
fyrir sér og rcyndu stuttan samleik, en varnir beggja voru traustar .. •
A 27. mín. gerðist fallegasta atvik leiksins. Um 15 m. inn á vallarhelmingi
Akurnesinga fær Pétur Georgsson háa sendingu, leggur knöttinn fyrir
sig og gefur hann örlítið til baka til Ríkharðar. Pétur tekur síðan á rás
í áttina að Valsmarkinu, og Ríkharður leikur með knöttinn fram undir
miðju. Þá kallar Pétur til hans og biður um knöttinn. Ríkharður svarar
með því að senda honum knöttinn með nákvæmri sendingu. Pétur rífur
sig í gegnum Valsvörnina og sendir knöttinn örugglega framhjá Helga
markverði, sem kom hlaupandi út úr markinu á móti honurn — skotfæri
um 20 metrar. Eftir þetta atvik var leiknum í rauninni lokið ...“ (Mbl.).
Þróttur 1 — Víkingur 1 13/8
„Það mátti sjá á áhorfendahópnum, að ekki var búizt við mikilli
knattspyrnu og þeir, sem heima sátu, fóru ekki mikils á mis, spörk og
100