Árbók íþróttamanna - 01.12.1956, Page 122
félaga sína, sem komu að heiman 28. ágúst. Hafði Knattspyrnusamband
Hamborgar boðið liðinu til keppnisferðar um Þýzkaland til endurgjalds
fyrir íslandsferð þýzka úrvalsins til Akurnesinga vorið 1954.
Léku Akurnesingar 4 leiki, alla gegn sterkum úrvalsliðum. Var fyrsti
leikurinn gegn Knattspyrnusambandi Hamborgar í góðu veðri að við-
stöddum 4000 áhorfendum. Með þýzka liðinu léku 5 leikmenn, sem leikið
höfðu hér á íslandi fyrr um sumarið í heimsókn HFV. Sigraði HFV
með 2—0.
Dvalið var í Hamborg í 2 daga á vegum sambandsins og vár dvalar-
staðurinn Haus des Sports. Þaðan var haldið til bækistöðvar Knatt-
spyrnusambands Neðra Saxlands í Barsinghausen, sem er eitt fullkomn-
asta íþróttaheimili Þýzkalands. Var þar dvalið í 7 daga í góðu yfirlæti
og leiknir tveir leikir á þeim tíma.
Fyrri leikurinn var í Hannover gegn Þýzkalandsmeisturunum Hann-
over 96, og lyktaði honum með jafntefli, 1—1. Fór leikurinn fram í mikl-
um hita, 38° C. og miðað við aðstæður er þessi frábæri árangur meðal
hins bezta, sem íslenzk knattspyrnulið hafa náð á erlendum velli.
Síðari leikurinn í Saxlandi var í Braunsweig gegn úrvalsliði Neðra
Saxlands, sem sigraði með 7—3 eftir jafnan og skemmtilegan leik, en
mörk Þjóðverjanna voru fnll ódýr, og má segja. að óheppnin hafi elt
Akurnesinga allan leikinn.
Frá Barsinghausen var haldið til Vestur-Berlínar og var þar dvalið á
íþróttaheimili sambandsins þar, VBB, en það er í útjaðri borgSrinnár
við Wannsee.
í Berlín var leikið gegn úrvalsliði VBB og lyktaði þeim leik með sigri
þess, 5—3. Eftir 20 mín. hafði ÍA skorað 2 mörk gegn 0, en í hléi stóðu
leikar 2—2. Eftir hlé gerði illskuveður, þrumur og eldingar með stór-
rigningu, og þann hálfleik unnu Þjóðverjar með 3—1.
Heim kom flokkurinn 16. sept.
DanmerkurferS meistaraflokks Víkings
Knattspyrnufélagið Víkingur fór fyrstu knattspyrnuför sína til megin-
landsins á árinu. Hélt meistaraflokkur þess utan hinn 24. júlí á vegum
Kaupmannahafnarfélagsins B-1903, sem hingað kom sumarið 1953 á veg-
uin Víkings. Flokkurinn lék 5 leiki í Kaupmannahöfn og víðs vegar á
Sjálandi. Urslit leikjanna urðu:
25. júlí: Gentofte: B-1903—Víkingur ................. 5—2
27. — Vanlöse: Vanlöse—Víkingur .................. 4—1
120