Árbók íþróttamanna - 01.12.1953, Page 39
BADMINTON
Badminton 1952
EFTIR FRIÐRIK SIGURBJÖRNSSON
Allmikið fjör var í þessari íþróttagrein s. 1. ár hér í Reykjavík og
víða úti um land, sérstaklega i Stykkishólmi, en einnig töluverð þátt-
taka á Isafirði, Akurevri, Neskaunstað, Akranesi, Borgarnesi og Selfossi,
auk þess sem badminton var viðast hvar leikið í héraðsskólunum víðs
vegar um landið.
Reykjavík. Eins og undanfarin ár hafð.i Tennis- og badmintonfélag
heykjavíkur (TBR) forgöngu þessara mála i höfuðstaðnum s. 1. ár.
Félagatala TBR var í árslok 170. Að staðaldri iðkuðu um 120 manns
badminton á vegum félagsins í íbróttahúsinu að Hálogalandi og íþrótta-
sölum háskólans, Melaskóla, Laugarnesskóla og Austurbæjarskóla. Þá
var og badminton leikið í fimleikasal menntaskólans, íþróttahúsi IR
°g sennilega víðar. Mun ekki ofsagt, þótt talið sé, að um 200 manns
alls hafi æft badminton að staðaldri hér í Reykjavík s. 1. ár.
Stykkishólmur. Þar var þátttaka í badminton s. 1. ár meiri en nokkru
sinni fyrr. Forgöngu þar hefur eins og kunnugt er íþróttafélagið á
staðnum, Ungmennafélagið Snæfell. Um 50 manns æfðu badminton
í leikfimissal skólans í Stvkkishólmi s. 1. ár. Þar að auki fór fram nokk-
ur kennsla í badminton fyrir unglinga í íþróttatímum unglingaskólans.
Badminton er uppáhalds íþróttagrein fólksins í Stykkishólmi, enda eru
þar samankomnir jafnbeztu badmintonleikendur landsins.
ísafjörður. Um 40 manns léku þar badminton að staðaldri s. 1. ár.
Ahugi er þar mikill og vaxandi, og hafa áhugamenn hug á að stofna
sérstakt badmintonfélag á ísafirði.
Akureyri. Um 30 manns iðkuðu þar badminton við ágæta aðstöðu
í Iþróttahúsi Akureyrar. Knattspymufélag Akureyrar (KA) hefur aðal-
lega staðið fyrir badmintonæfingum á Akureyri s. 1. ár. Menntaskóla-
nemendur héldu uppi æfingum í leikfimissal menntaskólans.
37