Skírnir - 01.01.1957, Blaðsíða 25
Skirnir
Tungumálakennsla í Bandarikjunum
23
mig á brúna við Avignon, er frá segir í þetktu frönsku þjóð-
kvaeði. Hún var fyrrum bezta brú, er tengdi borg páfanna
við ríki Frakkakonungs. En í dag er hún sem handa- og höf-
uðlaus bolur, fáeinir bogar, sem enda í miðri á. Þannig skilja
hinar hefðbundnu aðferðir okkar við tungumálakennslu við
nemandann svífandi í lausu lofti, svipað og megnið af latínu-
kennslu gerði, ófæran um að ná yfir til fyrirheitna landsins.
Slík brú er kannske fyrirtaks danspallur, eins og kvæðið vill
vera láta, en kynni einhver að vilja komast yfir ána Rón, verður
hann að fara niður með henni, þar til komið er að hinni ágætu
nýtízkulegu brú, en um hana dytti víst engum í hug að kveða.
Frumskilyrði þess, að hægt sé að byggja góða brú, eru upp-
lýsingar um þau vísindalegu undirstöðuatriði, er smiðurinn
verður sér úti um á rannsóknarstofum vísindamannanna.
Stærðfræðingar og eðlisfræðingar geta reiknað út álag það,
sem á brúna kynni að verða lagt. Þeir geta bent á það bygg-
ingarlag, er komið gæti til greina, og prófað eðli þeirra efna,
er með þyrfti í mismunandi gerðir brúa. Á sama hátt leggur
málvísindamaðurinn sem ávöxt athugana sinna fram frum-
drög að byggingu þess máls, er kenna á, og sambandi þess við
það mál, er nemandinn kann fyrir. Hann getur sagt fyrir
um nokkuð af því álagi og þeim átökum, er verða við það,
að hin tvö málkerfi rekast á. En þegar komið er að brúar- '
smíðinni sjálfri, biðjum við ekki visindamennina á rannsókn-
arstofnununum að takast hana á hendur. Við snúum okkur
til einnar greinar raunvísindanna, verkfræðinnar, er gerir
fyrir okkur sjálfar vinnuteikningarnar. Þessar teikningar eru
sambærilegar við kennslubækurnar og önnur þau efnisleg
gögn, er gera okkur kleift að kenna tungumál með góðum
árangri. Verkfræðingur málsins er kennslubókahöfundurinn,
sem er eins konar tengiliður milli málvísindamannsins og
málakennarans. Auðvitað getur þetta verið einn og sami mað-
urinn, þar eð málvísindamenn geta einnig verið kennslubóka-
höfundar og kennarar. En gerð kennslubókar er engan veg-
inn það sama og vísindaleg mállýsing, eins og menn geta
gengið úr skugga um með því að bera einhver af drögum þeim
að mállýsingum, sem getur að finna í Language eða Inter-