Prestafélagsritið - 01.01.1930, Blaðsíða 26

Presfafelagsritiö.
Bjartsýni á sigur hins góða.
19
vild eigi að stjórna öllum viðskifíum þeirra, — þá rennur
upp hinn þráði friðartími, og styrjaldir leggjast með öllu niður.
Þá mun á þessu sviði eins og öðru sannast, að það sem öllu
breytir til batnaðar er traustið og trúin á hið góða.
Ef vér förum til kristnu kirkjufélaganna, verður þetta sama
lífslögmál fyrir oss. Meðan kirkjufélögin litu mest á það, sem
aðgreindi þau frá öðrum kristnum félagsskap, ríkti tortrygni
og óvild meðal kirkjufélaganna, til ómetanlegs tjóns fyrir
kristna kirkju í heild sinni. Svo rísa upp menn, sem sann-
færðir eru um, að bæn Krists um að allir lærisveinar hans
séu eitt, geti ræzt og eigi að rætast sem fyrst. Þá rís upp
félagsskapur, sem hefir sameiningu og samvinnu kirknanna á
stefnuskrá sinni, og sem stefnir að því markmiði að kirkjur
allra landa taki höndum saman og vinni að því sameinaðar,
en ekki sundraðar, að reka erindi Krists á meðal þjóðanna.
Bækur hafa verið skrifaðar, fundir haldnir, stofnað til sem
mestrar og beztrar viðkynningar milli kristinna manna úr
öllum álfum og löndum. Og hver hefir orðið árangurinn?
Oneitanlega mikill þegar, að margra dómi. Má meðal annars
minna á þau merkistíðindi, er gerðust á Skotlandi í október
1929, þegar Fríkirkja Skotlands og Ríkiskirkja Skotlands
sameinuðusf. Má geta sér þess til af hátíðahöldum þeim, er
voru í Edinborg og víðsvegar um alt Skotland dagana 1.—3.
okt. siðastl., að ekki hafi þótt lítið til þessa viðburðar koma
í kirkjulífi Skotlands. Margt annað mætfi felja, sem þessi
hreyfing hefir komið til leiðar til góðs. En hér skal ekki út í
það farið, þar sem tilgangurinn er ekki að lýsa þeirri marg-
háftuðu kirkjulegu friðarhreyfingu, heldur aðeins hitt að benda
á, að hér sannast enn lögmálið, að trúin á hið góða breytir
heiminum til batnaðar.
Einnig má taka einstaklingsIíficJ, sem dæmi þessa. Það er
merkileg reynsla fyrir því, hve traustið nær til hins bezta í
hverjum manni. Margir munu þeir vera, sem þekkja einhverja
menn, karla og konur, sem allir vilja sýna samúð, og sem
aHir snúa að betri hliðinni, sem svo er nefnd. Slíkir menn
Seta verið með margvíslegu rnófi að gáfum og lífskjörum og