Prestafélagsritið - 01.01.1930, Blaðsíða 57
50
Kristinn F. Stefánsson:
Preatafélagsritiö *
hugavert. Fyrir þessa framkomu siðbótarhöfundarins mikla, var
kirkjan lengi a8 borga, ef hún hefir þá enn jafnað þann
reikning, en hún gerir það áreiðanlega1)-
Á vorum dögum horfa þessi mál annan veg við. Þrælarnir
hafa hlotið frelsi og bændastéttin er eigi lengur ánauðug.
Segja má að flest þjóðfélagsvandamál fyrri alda séu úr sög-
unni, en önnur komin í staðinn, ekki síður alvarleg og erfið
úrlausnar, nema frekar sé. Stéttamunurinn heldur áfram að
vera til, en honum fylgja vandamál félagslífsins. Eigingirnin
lifir enn með mannkyninu, er. af henni leiðir hatur, öfund og
ofbeldi. Hún er versta syndin og henni er erfiðast að út-
rýma úr hjörtum mannanna. Ef hægt væri að uppræta hana,
væru öll vandamál þjóðfélaganna að mestu að engu orðin. —
Alt umbótastarf í þessum efnum verður að vera háð með því,
að líta á mennina eins og þeir eru, en hugsjónin um tak-
mark þeirra skal leiða oss að markinu. Þjóðhagsfræði og
þjóðfélagsfræði ásamt sálarfræði og uppeldisfræði sé lögð til
grundvallar. Eftir þessari meginreglu hefir kirkjan líka starfað,
þar sem eitthvað verulega hefir verið unnið að því að jafna
misréttið í veröldinni. En nú eflist starf kirkjunnar á þessu
sviði með ári hverju úti í hinum siðmentaða heimi, og það
starf nemur eigi staðar. Slíka firru, að fátækt sé ákveðin af
Guði og hafi blessun í för með sér, tekur enginn hugsandi
maður framar sem góða og gilda vöru. Allir vita, að hún er
böl og að afleiðingar hennar eru að jafnaði, ef ekki ætíð,
hæltulegar einstaklingi og þjóðarheild. Og alt frá siðbótar-
tímunum hafa öðru hvoru verið uppi menn, sem hafa helgað
líf sitt úrlausn þessara vandamála. En um miðbik 19. aldar
verður fyrst kristileg hreyfing á Englandi, sem gerist mál-
svari öreiganna gagnvart yfirstéttunum. Stefna þessi hefir verið
nefnd á vorri tungu kristileg jafnaðarmenska. Var markmið
hennar að »gera kristnina jafnaðarsamari og jafnaðarmensk-
una kristilegri*2).
1) L. Ragaz: Von Chrislus zu Marz — von Marx zu Christus, 1929.
2) Sbr. ritgerð dr. theol. Jóns blskups Helgasonar í Prestafélag6-
ritinu 1929: „Kirkja Englands á 19. öld“.