Prestafélagsritið - 01.01.1930, Blaðsíða 40

Prditafilagsritiö.
Tru framtíðarinnar.
33
Og ef til vill var það Ijósgeislum alheimsins að þakka, er þeir
féllu á efnasambönd, að þau tóku þeim þroska, að óbrotnustu
myndir lífsins urðu til. Að minsta kosti er anðveldara að
• verja þá tilgátu heldur en að hendingin hafi ráðið þeim.
En hvernig sem lífið kann að hafa byrjað, þá segja vís-
indin, að það hljóti að líða undir Iok á þessari plánetu. Það
getur ekki varað hér að eilífu. Tunglið kann að falla aftur til
jarðarinnar með dunum og dynkjum. Og hvað sem því líður,
geislar sólin sífelt burt hita sínum og jörðin mun verða
óbyggileg sökum kulda. Stjörnufræðingar reikna með löngum
tíma. Þeir lofa því, að engin slík ógæfa skuli koma fyrir enn
um langa hríð. Þessi jörð kann að vera byggileg enn um
biljón ára. Þeir gefa oss von um svo langan tíma, mörgum
sinnum lengri en þann, sem hún hefir þegar verið til. En
dauðinn er vís, þó hann sé fjarri. Líf og ást munu hætta að
vera til á þessari jörð.
Ef nú þessi yrði endir alls, svo langt sem lífið nær — og
stjörnuspekingunum er helzt til gjarnt að álykta svo, þá gæt-
um vér ekki trúað því, að tilveran væri góð. Ef það væri svo
í raun og veru, að lífið í alheiminum kulnaði út, jafnskjótt
sem það hyrfi hér á jörð, þá gætum vér ekki trúað því, að
alheiminum væri stjórnað að góðu marki. Og enda þótt vér
yrðum að sætta oss við þá vesældar huggun, sem stjörnu-
fræðingarnir veita í uppbót, að lífið geti enn varað um hríð
á öðrum plánetum annara stjarna, þá myndi hún stoða lítt, ef
þeir fullvissuðu oss um það í sömu andránni, að alheimurinn
væri á leið til hnignunar og hlyti að síðustu að kulna út og
deyja allur. Ef það er efnisásigkomulag, sem ræður að lokum,
ef það er hitinn, sem veltur á, þegar öll kurl koma til graf-
ar, þá getum vér sannarlega ekki borið traust ti! alheimsins.
Þótt hæfilegur hiti muni enn haldast um miljónir ára, þá
finnum vér enga varanlega fullnægju við það.
Ef vér gerum ráð fyrir því, eins og margir stjörnufræðingar,
að lífið muni hætta í öllum alheiminum, þegar það sé fjarað
út hér og á þessum fáu plánetum öðrum á dreif um geim-
inn, þar,sem það kann einnig að vera, þá getum vér ekki
3