Skírnir - 01.01.1957, Blaðsíða 271
Skímir
Ritfregnir
269
Svo flaug hann á brott til fjallsins eina
með fjaðrabliki og söng.
Hví skyldi mig dreyma duftsins sveina
við drottins musterisgöng?
Sú ósk min stígur sem óður fagur
frá eldum míns bænastalls,
að aftur bylti sér bjartur dagur
af brún ins heilaga fjalls.
Að því er eg bezt fæ séð, hefur Davíð Stefánsson aldrei skyggnzt svo
djúpt í mannssálina né heldur tekið vandamál samtímans svo föstum tök-
um sem einmitt nú, aldrei átt eins mörg jOg mikilsvarðandi erindi við les-
endur sína. Má vera, að hann áður hafi komizt eins hátt í söng sínurrt eða
hörpuleik. En við samanburð á LjöSum frá líSnu sumri og öðrum kvæða-
bókum hans, hef ég komizt að þeirri niðurstöðu, að tónsvið hörpu hans sé
nú víðara, valdið á viðfangsefnunum óskeikulla en nokkru sinni fyrr.
Hafi svo skáldið frá Fagraskógi heila þökk fyrir þessa bók — og allar
hinar. Megi þjóðskáldi voru og spámanni lengi endast lif og heilsa að
stilla strengi sína, oss lítilmögnum til sálubótar og yndisauka.
Þároddur GuSmundsson.
Þorsteinn Valdimarsson: Heimhvörf, ljóS. Heimskringla, 1957.
Fimmtán ár eru liðin siðan fyrsta kvæðabók Þorsteins Valdimarssonar,
Villta vor, kom út. Næsta ljóðabók hans, Ilrafnamál, var prentuð tíu ár-
um seinna, 1952, og sú þriðja, Heimhvörf, snemma á þessu ári. Er fróð-
legt að bera þessar þrjár bækur saman.
Villta vor hafði að geyma æskuljóð leitandi, sveimhuga sálar. Þau voru
yljuð gleði, ást og sorg ungmennis, er miðaði yndi jafnt sem andstreymi
fyrst og fremst við sjálfan sig og æskuumhverfi sitt, hafði ekki enn fund-
ið til þjáningar og harma heimsins. Þetta var hugþekk bók, þó að augljós
byrjandabragur væri á henni. Auðsjáanlega var þarna skáldefni á ferð,
svo að ekki sé meira sagt. Hvert þjóðskáld hefði verið fullsæmt af að yrkja
kvæðið Iióraleyjar. Geðfelldur persónuleiki birtist nálega í hverju ljóði,
og ef til vill veit lesandinn meira um höfundinn af lestri þessarar bókar
en beggja hinna.
Hrafnamál virtust næsta ólík æskuljóðum Þorsteins. Aukinn þroski,
raunsærra viðhorf, dýpri samúð með hinu stríðanda lífi, djörf leit út um
víðáttu tima og rúms að yrkisefnum og tilraunir með nýstárleg form með
fleira ollu breytingunum, sem voru að vísu meiri á yfirborðinu en undir
niðri. Lesandinn samfagnaði skáldinu raunar eigi ætíð yfir stefnu þeirri,
er þróun Ijóðagerðar hans hafði tekið á þeim áratug, sem liðinn var frá
útkomu Villta vors. En mikil umbrot og ólga hljóta að hafa farið fram í