Prestafélagsritið - 01.01.1930, Qupperneq 30
Prestafélagsritiö.
Bjartsýni á sigur hins góða.
23
hemst hann svo að orði: »Gagnstætt andlyndi er forlyndi
eða framlyndi. Framlyndi er ljúfara að reisa en rífa, yrkja,
leiðrétta, bæta, heldur en eitri blása á alt, er býr sig fram á
leið*1)-
Ég er sannfærður um, að hér er bent á mikiísvert atriði í
uppeldi æskulýðsins. Uppeldið í skólum vorum þarf að leggja
meiri áherzlu á, að gera nemendur bjartsýna á hið góða, og
hjálpa þeim til að eignast hugsjónir, sem þeir vilja berjast
fyrir og leggja alt í sölurnar fyrir að koma í framkvæmd.
Það er mikilsvert að skólar vorir, æðri og lægri, stefni á-
kveðið að því marki, að innræta æskulýð landsins háar hug-
sjónir, en ekki er síður áríðandi, að heimilin verði þar skól-
unum samtaka. Því að ekki mun hægt að neita því, að upp-
eldi margra foreldra sé meir fólgið í því að banna börnum,
en að blása þeim í brjóst hollum hugsjónum og hjálpa þeim
til að starfa að því, sem þeim er hugleikið og holt er og gott.
Vér þörfnumst æsku, sem er bjartsýn á hið góða, en ekki
brestieitin. Þá mun reynast satt það, sem séra M. ]. segir:
„og háar sjónir vekja sem at dvala
stórmenni, söngmenn, spekimenn og spámenn.
Og daggir andans hrynja á lífsins hafflöt,
svo hringir myndast, þeir eð stækka, víðka,
og efla óð og afrek, ást og samhug,
og leita upp sjálfa lifsins rót og sjá,
þá lyftist heims vors afar mikla bákn
um lítið fet á lífsins óravegi!"
En það, sem á við um uppeldi skóla og heimila, á ekki
síður við, þegar um sjálfsuppeldi manna er að ræða. Þar
ræður mestu, að menn trúi því, að þeim sé ætlað hlutverk,
sem þeim beri að leggja alla alúð við að inna sem samvizku-
samlegast af hendi. Allir mestu og beztu menn mannkynsins
hafa átt ríka vitund um köllun, er þeim væri ætlað að rækja.
Því meiri rækt sem einstaklingurinn leggur við þessa köllun-
J) Sjá: „Skýrsla um Gagnfræðaskólann á Akureyri skólaár ð 19?5—
1926“, bls. 40-41 og 46.