Prestafélagsritið - 01.01.1930, Blaðsíða 92
Prestiféi.g.ritiB, Valdimar Briem og Ólafur Briem.
83
voru hinir ungu menn beztu mannsefni. En einnig í sorginni
voru þeir gæfumenn að eiga báðir þá huggunina, sem hald-
bezt er: að vita í trúnni, að »sælir eru þeir sem í drotni
deyja«. Og nú hefir það orðið síðasta gæfuhlutskifti þeirra
beggja, að fá sjálfir að reyna þá sæluna, sem Guðs börnum
er fyrirbúin á landi lifenda og geta nú glaðst með ástvinun-
um, sem á undan fóru, yfir óumræðilegum dásemdum drottins.
En gæfuhlutskifti þeirra Stóranúps-feðga beggja hér í lifi
stóð aftur í sambandi við það, hvílíkir mannkostamenn þeir
voru báðir. Því að um það verður ekki deilt, að þeir feðgar
voru miklir mannkostamenn, og fyrir mannkosti sína réttkjörnir
til að »vísa öðrum á réttan veg«. Báðir voru þeir gæddir beztu
hæfileikum til þess starfs, sem varð aðalstarf þeirra í lífinu.
Báðir höfðu þeir fengið svo góða undirbúningsmentun til
prestskaparins, sem kostur var á hérlendis og báðir höfðu
þeir fengið trúmenskuna og skylduræknina í vöggugjöf. Báðir
voru þeir trúmenn af hug og hjarta og höfðu öðlast fullan
skilning á því, að »fagnaðarerindið er krafíur Guðs til sálu-
hjálpar sérhverjum, sem trúir« og vildu því samkvæmt »ekkert
vita sér til sáluhjálpar nema Krist krossfestan«, og hjá báðum
varð hann þá líka þungamiðja vitnisburðarins, 6em þeir fluttu
söfnuðum sínum, eins og vér þekkjum það bezt frá sálmum
séra Valdimars. Og báðir skildu þeir út í æsar hinn gamla
sannleika, að »stéttaprédikun« og »stólprédikun« prestsins
verða að vera í fullu samræmi sín á milli, eða að »dagfar
Prestsins á að vera fagnaðarerindi fólksins«. í þessu tilliti
hygg ég, að hinir rnætu feðgar stæðu jafnfætis hinum fremstu.
Hið Ijúfmannlega viðmót, sem er svo laðandi fyrir alla alþýðu
nianna, hin alúðlega framkoma, við hvern sem í hlut átti, hið
kispurslausa dagfar þeirra og yfirlætisleysi, hvar sem þeim
var að mæta og hver sem í hlut átti, — alt þetta í samein-
ln9u. sem þeim er ómissandi, er öðrum eiga að vísa veg rétt-
lætisins, jafnframt trúarvitnisburði þeirra, gerði þá að þeim
áhrifamönnum, sem þeir urðu báðir í lífinu.