Prestafélagsritið - 01.01.1930, Side 231
Prestaféiagsritið, Að hverju beindist æfistarf ]esú? 219
Lítum fyrst á guðsríkisboðskap Jesú.
Öllum samstofna guðspjöllunum ber saman um, að guðs-
ríkið hafi verið aðalefni prédikunar Jesú.
En hverskonar guðsríki var það, sem Jesús boðaði og
barðist fyrir?
Var það pólitiskt ríki, bundið við Gyðingaþjóðina og landið
helga, fólgið í yfirdrotnun Gyðinga yfir öðrum þjóðum og
ytri velfarnan?
Að svo hafi ekki verið, sést berlega, þegar athugað er,
hver Jesús telur gæði guðsríkisins og hver skilyrði fyrir inn-
göngu í þetta ríki.
Af sæluboðununum í Fjallræðunni í Matteusarguðspjalli sjá-
um vér, hver gæði guðsríkis eru samkvæmt prédikun Jesú.
Gæðin, sem þar eru talin, eru öll trúarlegs og siðferðilegs
eðlis: huggun, saðning réttlætisþrárinnar, miskunn, að sjá
Guð, verða kallaðir synir Guðs. Fyrirheitið um að erfa Iandið
er hið eina, sem gæti virst benda í aðra átt. En svo er þó
eigi, sé þar um líkingu að ræða. Jarðnesku vonirnar um
heimsveldið og farsældina þar eru fjarlægar prédikun Jesú.
Kemur það mjög greinilega fram í eftirtektaverðu orðunum í
Lúk. 17,20. n.: »Guðsríki kemur ekki þannig, að á því beri;
og ekki munu menn geta sagt: Sjá, það er hér eða það er
þar; því að guðsríki er hið innra í yðurc. Þetta sama sjáum
vér líka af »Faðir vor«, eins og bænin er orðuð í Matteusar-
guðspjalli. Þar kennir Jesús lærisveinum sínum að biðja:
»Komi ríki þitt, verði vilji þinn svo á jörðu sem á himni«.
Síðari bænin er aðeins útskýring á hinni fyrri, því að ríki
Guðs kemur í sama mæli og mennirnir læra að lifa í sam-
ræmi við vilja Guðs.
En að guðsríkið, sem Jesús boðaði og barðist fyrir, hafi
verið trúarlegs og siðferðilegs eðlis en ekki stjórnarfarslegs,
sést þó bezt, ef skilyrðin fyrir inngöngu í það eru athuguð.
Þegnréttur í ríki þessu er samkvæmt samróma frásögn allra
guðspjallanna bundinn við hugarstefnu manna, en ekki við
nein ytri skilyrði. Iðrun og trú, þ. e. sú hugarstefnubreyting,
að menn snúi hjarta sínu frá syndinni til samfélags við hinn