Prestafélagsritið - 01.01.1930, Page 264

252
Prestafélagið.
PrestafélagsritiB.
ánægju, ef einhverjir íslenzkir prestar sæju sér fært að sækja aðalfund
þennan. Var biskupi falið að þakka þessa góðu kveðju og boð. — Þá
flutti Asmur.dur dócent Guðmundsson erindi það um „Framtíð þjóð-
kirkjunnar", sem lesa má hér á öðrum stað í ritinu. Bar biskup fram þá
tillögu, að erindi þessu vrði dreift prentuðu ókeypis út um landið, og
var það samþykt í einu hljóði. — Þá voru — fyrir utan tillögur þær
um frumvörp kirkjumálanefndar, sem áður er getið, — þessar tillögur
samþyktar:
1. Aðalfundur Prestafélags Islands vill ekki, að Iaus prestaköll standi
óveitt, og Ieyfir sér að skora á kirkjustjórnina að auglýsa þau til umsóknar.
2. Fundurinn Ieggur hina mestu áherzlu á það, að prestakallaskipun
Iandsins verði ekki breytt á þann veg, að prestaköllum fækki, heldur
verði svo, sém söfnuðunum hentar bezt.
3. Fundurinn skorar á þing og stjórn að bæfa slarfskjör presta, meðal
annars með því að veita þeim leigulaussn embættisbústað og endurgreiða
þeim embættiskostnað, eins og öðrum starfsmönnum ríkisins.
Stjórn félagsins var endurkosin í einu hljóði. Hana skipa því:
Prófessor Sigurður P. Sívertsen, formaður.
Dócent Asmundur Guðmundsson.
Dómkirkjuprestur Bjarni Jónsson.
Séra Friðrik Hallgrímsson, ritari.
Præp. hon. Skúli Skúlason, féhirðir.
Endurskoðendur voru endurkosnir: Præp. hon. Kristinn Daníelsson og
séra Þorsteinn Briem.
7. Nassti aðaifundur.
Aformað er, að næsti aðalfundur félagsins verði haldinn utan Reykja-
víkur, t. d. á Þingvöllum eða Laugarvatni eða einhverjum öðrum hentug-
um stað, og ætlaðir 2—3 dagar til fundarhaldsins. Astæður fyrir þessu eru
þær, að reynslan hefir sýnt að fundir í sveitum takast betur en í kaup-
stöðum. Þar er betra næði og meira verður úr tímanum, þegar allir
fundarmenn búa saman á einum slað. Þar kynnast menn einnig betur,
en það er eitt af nauðsynlegustu skilyrðunum fyrir því, að góð samvinna
geti íekist og misskilningur hrindi ekki starfsbræðrum hverjum frá öðrum.
Ætlast er til, að öllum sé frjálst að koma fram með vandamál og
ágreiningsmál kirkjunnar á fundi þessum, til þess að þau geti skýrst og
verið sem ítarlegast rædd í bræðrahópi. Er skorað á félagsmenn að
fjölmenna á fund þennan og á deildir félagsins að senda fulltrúa, svo að
raddir heyrist úr öllum landsfjórðungum. Einnig er skorað á menn að
tilkynna vilja sinn um fundarstað og fundarmál, og þeir beönir að gefa sig
fram, sem flytja vilja erindi á fundinum eða bera fram einhver áhugamái sín.
Reykjavík 20. ágúst 1930. Sigurður P. Sívertsen.