Ritröð Guðfræðistofnunar - 01.09.1998, Síða 102

Guðrún Kvaran
7. Drottinn mun vernda þig fyrir öllu illu,
hann mun vernda sál þína;
8. Drottinn mun varðveita útgang þinn (útgöngu þína 1981) og inngang
(inngöngu 1981) héðan í frá og að eilífu.
í fyrsta sinn í sögu íslenskra biblíuþýðinga varð athvarf að víkja fyrir hœli
og var sú breyting varla til bóta. Eyðileggingin í 9. versi var nú þýdd furðu-
verk, og Drottinn herskaranna sem Drottinn hersveitanna. Talsverð breyting
er á 10. versi: hðggur sundur spjótin, uppbrennir vagnana med eldi var nú
þýtt slœr afoddinn, brennir skjöldu í eldi.
Upphaf 121. sálms er aftur nær Guðbrandsbiblíu MijnAugu hefeg vpp til
Fiallanna sem og niðurlagið Nu hiedan i fra og ad eilijfu.
Við breytingarnar 1981 er fleira sótt til eldri þýðinga m.a. Vered kyrrer í
10. versi 46. sálms til Guðbrandsbiblíu og þangað er einnig sótt útganga og
innganga í lok 121. sálms í stað útgangur og inngangur. Skugginn í 5. versi
121. sálms, sem kominn var inn aftur, víkur nú fyrir Drottinn skýlirþér. Þama
er að öllum líkindum sama hugsun á ferðinni og í Viðeyjarbiblíu. Skuggi er
fremur neikvæður í hugum norrænna þjóða en er hlíf eða skjól þeim sem búa
alla daga við brennheitt sólskinið.
Niðurlag:
Af því sem hér hefur verið dregið saman sést að töluverð samfella er í íslensku
biblíumáli. Texti Guðbrandsbiblíu ríkir nær óbreyttur fram til Viðeyjarbiblíu,
ef horft er frá Steinsbiblíu sem á sínum tíma mun hafa haft lítil áhrif. Þá tekur
Viðeyjarbiblía við sem nýtir sér margt frá Guðbrandi en einnig frá Steini.
Þýðingin 1908/12 breytir töluverðu en enn má sjá merki um áhrif frá eldri
Biblíum, bæði Guðbrandi og Viðeyjarbiblíu, og áhrifin frá Guðbrandi eru enn
meiri 1981.
Af þessu tel ég að megi draga þá ályktun að biblíuþýðendumir hafi veigrað
sér við að breyta mjög textum sem lifað höfðu um aldir með þjóðinni. Þeir
völdu það sem nýta mátti úr eldri þýðingum en breyttu því sem þeir töldu að
nær væri þeim texta sem þeir studdust við. Þar með reyndu þeir að gera jafn
vel við báða, lesandann og frumtextann. Þetta er að mínu mati farsæl leið við
þýðingu jafn viðkvæms texta og Saltarans.
100