Føroya kunngerðasavn A og B - 22.08.1996, Page 95

243
Innihaldið i undirvísingini
25.1 Undirvísingin fevnir um 3 høvuðsevni:
1) Funkur
At seta saman funkur. Øvuta funkan. Polynom, tikin sundur í faktorar. Eksponentfunkur, eksponentiellar
gongdir, nátúrliga logaritmufunkan og 10-tals logaritmufunkan. Potensfunkur. Trigonometrisku funkumar.
Einføld dømi um atfellingar. At seta upp, greina og loysa einfaldar líkningar og ólíkningar við nevndu funk-
um.
2) Geometri og trigonometri
At rokna síður og vinklar í tríkanti. Líkning hjá rættari linju. Fjarstøða ímillum punkt og fjarstøða ímillum
punkt og linju. Líkning hjá sirkli. Skeringspunkt hjá linjum og hjá linju og sirkli.
3) Differentialrokning
Differentialkvotientur. Viðberi hjá rás, tillagandi polynomið á 1. stigi. Roknireglur fyri differentiatión.
Monotoniviðurskifti og ekstrema. Dømi um nýtslu.
25.2. Nærri um einstøku høvuðsevnini:
Viðv. 1) Funkum
Polynomið á 2. stigi verður gjølla viðgjørt, hemndir røtur, faktorisering og rás. Lært verður at býta poly-
nom, og setningurin um tal av rótum verður nevndur. Atfellingar verða viðgjørdar í sambandi við poly-
nombrot. Trigonometrisku funkumar sinus, kosinus og tangens verða viðgjørdar, eisini við radianum.
Viðv. 2) Geometri og trigonometri
Kosinusrelatiónimar og sinusrelatiónimar verða nýttar at rokna síður og vinklar í tríkanti. Rætta linjan og
sirkulin verða viðgjørd við rokning. Fjarstøða ímillum punkt, og ímillum punkt og linju verður viðgjørd við
rokning. Við myndum verður víst, hvussu geometriskir spumingar kunnu verða orðaðir og loystir við rokn-
ing, m.a. sambandið ímillum halltøl hjá vinkulrøttum linjum og sambandið ímillum halltalið og vinkulin við
útásina.
Viðv. 3) Differentialrokning
Kontinuitets- og marknavirðishugtakið verða umrødd. Við dømum verður víst, hvussu differentialkvotient-
urin hjá einfaldari funku verður funnin beinleiðis út frá ásetingini. Roknireglumar fevna um samløgu, mun,
fald, býti og samanseting. Viðgjørt verður, hvussu forteknið hjá f’ ger av, hvar funkan er fallandi/vaksandi,
hvar hon hevur størstavirði og minstavirði, og hvussu rásin er skapað. Tillagandi polynomið á 1. stigi og
viðberalíkningin verða viðgjørd, og umrøddur verður Newton-Raphsons máti. Hugtakið integral verður
umrøtt.
25.3 í sambandi við viðgerðina av høvuðsevnunum verður arbeitt við roknitøkniligum hjálparamboðum (rokn-
ara, formlasavni, talvum, einkult- og dupultlogaritmiskum pappíri).
25.4 Lisnar verða einar 150-270 síður, treytað av valda undirvísingartilfarinum.
Próvtøkan
26. Hildin verður ein munnlig og ein skrivlig próvtøka.
27.1 Til munnligu próvtøkuna er fyrireikingartíðin umleið 25 minuttir, og tá em vegleiðing og tilfarsútflýggjan
íroknað. 2,5 próvtakarar verða próvhoyrdir um tíman, íroknað próvdøming.
27.2 Næmingar, ið fara til próvtøku eftir vanligum treytum, geva upp til próvtøkuna umleið 2/3 av lesipensum.
Treytað av valda tilfarinum verða givnar upp umleið 100-180 síður, valdar soleiðis, at býtið á tey 3 høvuðsev-
nini er nøkulunda javnt.
27.3 Fyri sjálvlesandi og næmingar, ið fara til próvtøku eftir serligum treytum, er próvtøkupensum tað sama
sum lesipensum.
27.4 I fyrireikingartíðini em hesir hjálparmiðlar loyvdir: læribøkur og annað tilfar við tilknýti til lesipensum,
hemppií egnar uppskriftir umframt roknitekniskir hjálparmiðlar.
27.5 Hvør próvtakari fær ein spuming. Spumingurin skal vera orðaður soleiðis, at próvtakarin bæði fær høvi at
vísa evni til gjølla at viðgera eitt serstakt evni og vísa, at hann hevur yvirlit yvir eitt fakligt øki.
28. Givið verður 1 próvtal við støði í einari heildarmeting.