Føroya kunngerðasavn A og B - 22.08.1996, Qupperneq 183

331
Viðv. 4) Funkum:
Funka lýsir sambandið millum óheftan og heftan variabul. Sambandið kann verða ásett á ymiskan hátt, og
viðgerðin skal fevna um funkur, íð eru ásettar við rokniforskrift, við talvu, við rás og við algoritmu sum t.d.
í einum roknara. Serstakliga skulu funkumar við forskriftunum Áx, x^, 1/x og log(x) verða umrøddar. Til
monotoniviðurskiftini hoyra hugtøkini vaksandi og fallandi funka og størstavirði og minstavirði hjá einari
funku. Viðgjørdar verða vanligar rættvinklaðar krossskipanir, eisini tá ið ásimir hava ymiskar eindir, og tá
ið teir ikki skerast í (0,0). Funkumar við forskriftunum f(x) = ax + b og f(x) = bax verða serstakt viðgjørdar,
og dentur verður lagdur á at vísa, hvussu hesar verða nýttar at lýsa ymisk fyribrigdi. Hugtøkini tvífaldstal
og helvtartal verða viðgjørd.
Viðv. 5) Hagtølum:
Hugtøkini títtleiki (tíðføri), samantaldur títtleiki, tídd (ffekvensur) og samantald tídd verða lýst, samstund-
is sum arbeitt verður við dømum. í sambandi við ritmyndan verður lýst: pinnamynd, rimamynd, trappu-
mynd, stabbamynd og samløgurás (S-rás). Hagfrøðilig lýsingartøl fevna um hugtøkini minstavirði, størsta-
virði, breidd, mesti, miðaltal, niðara fjórðingsmark, miðju og ovara fjórðingsmark.
Viðv. 6) Líkindarokning:
Bæði javnbýtt og ikki javnbýtt líkindaøki verða umrødd. Neyðug hugtøk úr mongdarlæmni verða viðgjørd
so mikið, sum tað er neyðugt fyri viðgerð av hendingum. Næmingamir skulu duga at finna K(n,p) bæði við
at rokna og við at brúka talvu. Teir skulu eisini duga binomialbýtið, bæði við at rokna og við at brúka talvu
fyri samantald líkindi hjá binomialbýtinum. Heitið stokastiskur variabul verður viðgjørt í sambandi við
binomialbýtið. Eisini verða dømi um aðrar stokastiskar variablar viðgjørd, eitt nú verður roknað miðalvirði
og spjaðing.
3.3 í sambandi við viðgerðina av høvuðsevnunum verður arbeitt við roknitøkniligum hjálparamboðum (rokn-
ara, formlasavni, talvum og einkultlogaritmiskum pappíri).
3.4 Lisnar verða einar 160-280 síður, treytað av valda undirvísingartilfarinum.
Próvtøkan
4. Hildin verður ein munnlig og ein skrivlig próvtøka.
5.1 Til munnligu próvtøkuna er fyrireikingartíðin umleið 25 minuttir, og tá em vegleiðing og tilfarsútflýggjan
íroknað. 2,5 próvtakarar verða próvhoyrdir um tíman, íroknað próvdøming.
5.2 Næmingar, ið fara til próvtøku eftir vanligum treytum, geva upp til próvtøkuna umleið helvtina av lesipens-
um. Treytað av valda tilfarinum verða givnar upp einar 80-140 síður, valdar soleiðis, at býtið á tey 6 høvuðs-
evnini er nøkulunda javnt.
5.3 Fyri sjálvlesandi og næmingar, ið fara til próvtøku eftir serligum treytum, er próvtøkupensum tað sama sum
lesipensum.
5.4 f fyrireikingartíðini em hesir hjálparmiðlar loyvdir: læribøkur og annað tilfar við tilknýti til lesipensum, her-
undir egnar uppskriftir umframt roknitøkniligir hjálparmiðlar.
5.5 Hvør próvtakari fær ein spuming. Spumingurin skal vera orðaður soleiðis, at próvtakarin bæði fær høvi at
vísa evni til gjølla at viðgera eitt serstakt evni, og vísa, at hann hevur yvirlit yvir eitt fakligt øki. Nýttar kunnu
verða talvur, myndir og annað tilfar frá undirvísingini, og skal próvhoyringin (fyri skeiðslesandi) spegla dag-
ligu undirvísingina.
5.6 Givið verður 1 próvtal. Próvtalið verður givið við støði í einari heildarmeting.
6.1 Skrivliga próvtøkan varir 4 tímar. Roknað verður eitt uppgávurað. Nakrar uppgávur em valuppgávur. í raðn-
um stendur, hvussu nógvar valuppgávur skulu latast inn til dømingar. Verða ov nógvar valuppgávur latnar inn,
verður í dømingini sæð burtur frá teimum, sum standa síðst. Uppgávumar verða settar innan høvuðsevnini.
Skúlafyrisitingin sendir út leiðbeinandi dømi um próvtøkuuppgávur.
6.2 Til skrivligu próvtøkuna em hesir hjálparmiðlar loyvdir:
a) Støddfrøðiligt formlasavn, HF-felagslæmgrein, sum Skúlafyrisitingin hevur góðkent. Verður útflýggjað á
skúlanum, tá ið próvtøkan byrjar.
b) Góðkendur roknari, sum próvtakarin hevur við.