Skírnir - 01.01.1929, Blaðsíða 39
Skirnir]
Handritamálið.
33
Danir mundu heldur ekkert græða við það, að iðkan ís-
lenzkra fræða hætti eða minnkaði að mun hjá þeim; það
væri beinlínis vísindalegt tap fyrir þá, ef svo færi. Höfn
var lengi miðstöð þessara iðkana; það getur hún auðvitað
ekki orðið framvegis, en hún getur ennþá lagt drjúgan
skerf til þeirra, og það er Dönum enda skylt að gera,
meðan þeir halda söfnunum. En þennan skerf geta þeir
varla framborið nema i samvinnu við íslendinga, og er
hennar að leita við þá, sem á íslandi búa og framar öllu
við háskólann íslenzka. Slík samvinna milli Dana og íslend-
inga ætti að geta borið góðan árangur, ef henni væri vel
fyrirkomið, sem ekki ætti í rauninni að verða erfitt. Það er
eiginlega á þessu sviði einu, sem sjáanlegt er að þessar
tvær þjóðir gætu unnið saman, og það gæti sjálfsagt styrkt
andlega sambandið milli landanna betur en flest af því,
sem nú er verið að fitja upp á.
Eg var eitt ár við Árnasafn, og skýrði eg þá formanni
Árnanefndarinnar, hverjar breytingar mér þættu æskilegar
á henni, svo að hún stuðlaði að samvinnu milli Dana og
íslendinga og jafnframt færði út kvíarnar; eg gerði jafn-
vel að skilyrði, að þessar tillögur mínar um breytingu væru
að einhverju leyti teknar til greina, ef eg ætti framvegis
að vera við safnið. Nefndin mun hafa tekið þessu dauflega
og þar skildi með okkur. Þó að breytingar séu gerðar á skipu-
lagsskránni frá 1760, þarf það engan að hræða, því að þessi
skrá er ekki verk Árna, heldur ýmsra danskra manna, sem
litla þekkingu höfðu á málum þeim, sem hér var um að
ræða. Eg skal geta helztu breytinganna, sem mér sýnist að
gera ætti á fyrirkomulagi stofnunarinnar.
Árna Magnússonar stofnunin er í raun og veru íslenzk;
hún var gefin af íslending háskólanum, þar sem Iandar
hans höfðu sérréttindi til náms, sem nú hafa verið afnumin.
Hún hefur frá byrjun að mestu leyti verið undir danskri
stjórn, nema að einn og stundum tveir íslendingar hafa átt
sæti í nefndinni, og þeir verið jafnan starfmestir þar. Með
hvarfi íslendinga frá Kaupmannahöfn, mundi Árnanefndin
verða aldönsk, og er ekki að vita, hvernig hún kynni þá
3