Skírnir - 01.01.1929, Blaðsíða 116
110
Nibelungenlied og hetjukvæðin í Eddu.
ISkírnir
þýzka sagan er varðveitt i ljóðabálknum mikla, sem nefnd-
ur er Nibelungenlied.
Nibelungenlied er all-ungt, ef miðað er við aldur sög-
unnar og norrænu kvæðanna, varla eldra en frá 1200, í
þeirri mynd, er vér þekkjum það. Þó ber kvæðið það með
sér, að það er að nokkuru leyti orkt upp úr eldri kvæðum.
Því er skift í 39 ævintýri eða kviður. Bragarhátturinn er
ólíkur norrænum bragarháttum, hinn sami sem á kvæði
Stgr. Thorsteinssonar »Á sætastri blómrós er sárust þyrni-
flís«, en óstuðlaður, og kliðurinn jambiskur.
II.
Efnið í Nibelungenlied er þetta í stuttu máli:
í Worms við Rín, höfuðstað Búrgundaríkis, sitja að
ríkjum bræður þrír: Gunther, Gernot og Geiselher. Þeir eru
hraustir og harðfengir, og stendur nágrönnum ógn af ríki
þeirra. í hirð þeirra eru margir fræknir kappar og eiga þeir
mest traust undir Hagen frá Tronje. Systir þeirra er Kriem-
hilde, móðir þeirra heitir (Jte, en faðir Dankrat, og er hann
látinn, þegar sagan hefst.
Neðar við Rín ríkir Siegmund konungur og Siegelind
drottning í bænum Xanten í Niðurlöndum. Með þeim óx
upp sonur þeirra Siegfried. Hann var snemma afbragð ann-
ara manna að afli og atgervi allri, er konungsson má prýða.
Siegfried hefur spurnir af þeim systkinum í Worms.
Hann hefur heyrt, að Kriemhilde sé allra meyja vænst og
mannvöndust og leikur hugur á að fara til Worms og
freista þess að fá hennar. Foreldrum hans var ferðin mjög
á móti skapi og þótti örvænt, að þau myndu sjá Siegfried
aftur, en þó hlaut hann að ráða. Reið hann af stað með
fríðu föruneyti og segir ekki af ferð hans fyr en hann
kemur til Worms. Konungar sjá ferð hans og bera ekki
kennsl á komumenn. Senda þeir þá eftir Hagen, en honum
kom fátt á óvart. Hann gizkar á, að þarna sé kominn Sieg-
fried konungsson úr Xanten og segir allt af létta um æsku-
afrek hans, er hann virðist hafa unnið þá á leiðinni til
Worms. Hafi hann komið til Niflungalands og vegið þar