Skírnir - 01.01.1929, Blaðsíða 166
160
Úlfljótur.
[Skírnir
Hitt er óvíst, hversu lengi þeir Úlfljótur hafa verið samtíða
þar austur. Má það eitt ráða af þessu, að Úlfljótur hefur
verið kominn út ekki síðar en 910. Hefur hann þá verið
nær miðaldra, líklega 40—45 ára að aldri. Svo er að sjá
sem Úlfljótur hafi ekki land numið, þó að það gæti verið,
að hann hefði fyrst slegið eign sinni á eitthvert ónumið
land. Hitt er ekki sennilegt, að hann hafi, svo ættstór mað-
ur, þegið land að gjöf. En landkaup hans af Þórði skeggja
bendir til þess, að annaðhvort hafi hann enga staðfestu
fengið sér fyr en þau urðu eða að sú staðfesta hafi ekki
verið við hæfi hans. Þórður virðist ekki hafa selt Lónlönd
fyr en rétt áður en hann fluttist suður. Mætti helzt vera,
að Úlfljótur hafi verið út kominn fyrir skömmu, þegar Þórð-
ur tók sig upp að austan. En hvernig sem þessu er varið,
þá hefur Úlfljótur búið austur í Lóni, líklega í Bæ eftir
Þórð skeggja, nálægt 15 vetrum áður hann færi utan til
þess að undirbúa lagasetninguna. Á þeim árum byggðust
all-mörg héruð landsins, en um 920 hefur landnámum verið
svo langt komið, að megin lands allt hefur verið þá byggt.
Meðan strjálbýli var sem mest og fámenni, hafa menn sjálf-
sagt fundið minna til, þó að allsherjarríki væri ekki á komið
eða samþykkt lög að fara eftir. Meðan landrými var nóg
og mannfæð, gat hver setið að sínu og þurfti ekki að veita
ágang þeim, er næstir voru. Við bættist það, að önnur
störf kölluðu enn meir að hjá landnámsmönnum í fyrstu en
ríkisskipun og lagasetning. Fyrstu verkefni þeirra voru, að sjá
sér og skylduliði sínu fyrir fyrstu og helztu lífsnauðsynjum:
skýli og fæði/ Til húsagerðar hlýtur að hafa farið nokkur
tími og mikið starf.
Þegar byggðin tók að þéttast og menn höfðu tryggt
sér allra helztu nauðsynjarnar, þá var þess fyrst væntandi,
að hinir vitrari menn tæki að hyggja á það, að koma Iög-
bundnu skipulagi á sambúð landsmanna. Þeir hafa séð það,
að svo búið mátti ekki standa. Tvö þing, sem kunnugt er
um, höfðu að vísu verið sett, Kjalarnessþing og Þórsness-
þing, en þau voru einungis héraðsþing nokkurra höfðingja.
Þau voru ekki nema lítill vísir til þingskipunar á landinu.