Skírnir - 01.01.1942, Blaðsíða 20
18
Fr. le Sage de Fontenay
Skírnir
með þessu væru gefnar upplýsingar um herstyrk Þýzka-
lands.
Þá fannst önnur leiS út úr ógöngunum, konungurinn,
eins og vant var. Útvarpið mátti ekkert segja og blöðin
ekkert skrifa. En í nafni konungs var þá gefin út dags-
skipun til hers og flota og allt málið upplýst þar. Þessi
dagsskipun var lesin upp fyrir öllum hermönnum í her og
flota. Þessi dagsskipun var óaðfinnanleg að forminu til,
en um efnið var ekki að villast.
Til þess að geta haldið fast við þá grundvallarreglu, að
danskir menn verði dæmdir eftir dönskum lögum og hegnt
1 Danmörku, hefur reynzt nauðsynlegt að slaka nokkuð til.
Við þekkjum ekki sumar þær tilslakanir og vitum ekki
úti frá um raunverulegar orsakir þeirra og þurfum því
að dæma um þær, hvað þá heldur fordæma þær, með var-
úð. Ég lít á þá „bráðabirgðaviðauka við hegningarlögin“,
sem samþykktir voru veturinn 1041, sem eina slíka til-
slökun. Þess ber að gæta, að þessir viðaukar eru greini-
lega kallaðir bráðabirgðaákvæði af löggjafanum sjálfum,
danska ríkisþinginu. Þetta merkir það, að ákvæðin, sem
eru óvenjuleg í norrænni löggjöf, falla niður, þegar Dan-
mörk verður aftur frjáls. Þá falla væntanlega einnig niður
þær refsingar, sem dæmt hefur verið í samkvæmt þessum
bráðabirgðaákvæðum.
I þessum viðaukum voru ákvæði um sérstakar refsingar
fyrir skemmdarverk og njósnir. Refsingarnar voru mjög
harðar og verkuðu að nokkru leyti aftur í tímann. Ákvæði
voru einnig sett, ég man ekki, hvort það var í þessum lög-
um eða öðrum, um refsingar gegn Dönum í öðru löndum,
þannig, að hægt væri að taka upp eignir þeirra heima í
Danmörku.
Þegar þess háttar löggjöf er einu sinni komin á, er erfitt
að nema staðar. Næsta skrefið voru andkommúnistalögin,
sem sett voru síðastliðið sumar, eftir að Þjóðverjar réð-
ust á Rússa og Danir höfðu þess vegna slitið stjórnmála-
sambandi við Rússa.
Margir kommúnistar voru settir í fangelsi eða fanga-