Skírnir - 01.01.1942, Blaðsíða 30
28
Pr. le Sage de Fontenay
Skírnir
áður, eða hún hefur jafnvel verið kölluð „fjandskapur við
samhug Evrópu“. Fylgismenn Fritz Clausen hafa haldið
þessum skoðunum á lofti í ræðu og riti. Svo er einnig að
sjá, að einstaka erlendir höfundar, sem eru ókunnugir eða
fara eftir einlitum fréttum, hafi lagt trúnað á þetta. En
danskri einingu, sem birtist í stjórn, þingi og þjóð, sem
fylkir sér um land og konungsvald, er ekki beint einstreng-
ingslega gegn neinum. Við Danir erum raunhæft fólk og
vitum vel, að margt getur að höndum borið, og við ættum að
búast um á veruleikans fasta grundvelli, hvort sem örlögin
gera það hart eða mjúkt undir fæti. En tilgangur einingar
okkar og samfylkingar er sá, að forlögin hitti hér fyrir
sammála og starfandi þjóð, hvernig sem stríðið veltur og
hvaða stormar sem um okkur gnýja, og hvernig sem grund-
völlur þjóðfélagsins raskast, stendur þjóðin aðeins í einni
breiðfylkingu og hefur aðeins eitt markmið: að vernda
sjálfstæði og frjálsa framtíð Danmerkur. Eining okkar er
ekki afneitun neins, ekki fjandskapur gegn neinu, og ekki
tregða á samvinnu við neinn — heldur ást á okkar eigin
landi og þjóð.
Einingin merkir ekki heldur það, að við ætlum að
stirðna í fornum stjórnarformum og úthýsa nýmyndun-
um í stjórnarfari. Margir Danir eru þvert á móti síhugs-
andi um það, hvernig forðast megi í framtíðinni yfir-
sjónir fortíðarinnar, og hvernig við getum fundið hentugt
form fyrir danskt stjórnarfar. En við erum sammála um
það, að hvað sem koma skal, skuli koma í samræmi við
þjóðarviljann og ekki gegn honum.
Okkur (þ. e. Nationaltidende) hefur því verið það mikil
ánægja að við höfum oft orðið þess varir, að Þjóðverjar
hafa neitað afskiptum af dönskum innanlandsmálum. Það
er í okkar augum ekki einungis staðfesting á gefnum lof-
orðum en einnig vottur um skilning á því, að Danmörk
muni af sjálfsdáðum rata þá götu, sem henni er til hags-
bóta og í samræmi við það, sem nauðsyn krefur á hverj-
um tíma“.
Þjóðverjar eru síóánægðir út af því, að Danir sýni ný-