Skírnir - 01.01.1942, Blaðsíða 52
50
Björn Þórðarson
Skírnir
af hálfu ríkisins. Árið 1784 voru svo sett hin svonefndu
„Indlandslög Pitts“. Þar er félagið aðeins að nafninu til
látið halda landsstjórninni, en hún í rauninni fengin í
hendur eftirlitsráði undir forsæti þingmanns í neðri mál-
stofunni. í lögum þessum var félaginu bannað að leggja
undir sig ný landsvæði, en önnur öfl voru að verki, sem
urðu banninu yfirsterkari. Eftir að ríki stórmógúlsins leið
undir lok, snemma á 18. öld, hafði Indland orðið leikvöllur
herskárra æfintýramanna, bæði aðkominna og innlendra.
Víðsvegar um landið, þvert og endilangt, voru ár og síð
stöðug herhlaup og barátta um völdin. Englendingar voru
oft knúðir til að skerast í leikinn, til þess að verja hendur
sínar, ennfremur leituðu innlendir furstar oft á náðir
þeirra og báðu þá um vernd, enda vildu þeir gjarna halda
uppi friði vegna verzlunar sinnar. En af þessu leiddi, að
yfirráðasvæði Englendinga færðist stöðugt út og um mið-
bik 19. aldar var svo komið, að þeir höfðu yfirráð alls Ind-
lands. Árið 1857 gerðu sveitir innfæddra hermanna alvar-
lega uppreisn, og urðu þá þáttaskipti í stjórn landsins.
Með lögum, sem brezka þingið setti 1858, var veldi Austur-
Indía-félagsins lagt undir brezku krúnuna og æðsta stjórn
landsins falin ráðherra með sérstöku ráði sér við hlið.
Æðstu völd innanlands voru fengin í hendur landstjóra,
sem ber titilinn varakonungur, og árið 1877 tók Viktoría
drottning, að ráði Disraelis, sér titilinn keisarinna Ind-
lands.
í þessu keisaradæmi eru, samkvæmt manntali, sem fór
fram 1931, rúmar 338 miljónir manna, af þeim eru 259
miljónir beint undir brezkum yfirráðum, en um 79 milj.
eru þegnar í sjálfráða konungsríkjum eða furstadæmum.
Þess ber að geta, að Burma og Ceylon teljast ekki til hins
indverska veldis. Þá skiptist landslýðurinn eftir trúar-
brögðum í tvo aðalflokka, Hindúa, sem teljast 71% og
Múhameðstrúarmenn, sem eru 23% af íbúunum, en 6%
teljast til annara trúarflokka. Þá er í landinu urmull
tungumála og þjóðflokka,og loks stéttaskiptingHindúanna,