Skírnir - 01.01.1942, Blaðsíða 197
Skírnir
Skaðsemi skordýranna
195
húðin gefur frá sér, af mikilli græðgi, ef þær ná að snerta
hörund mannsins. Þessar flugur geta annars nærzt á
flestu, sem er uppleyst eða þær geta bleytt upp með munn-
vatni sínu og sogið upp í gegnum ranann, en sólgnastar
eru þær í sætindi.
Húsflugurnar eru ekki aðeins óþokkagestir á heimilum
vegna þess óþrifnaðar, sem af þeim stafar, og þeirra óþæg-
inda, sem þær gera fólki, heldur eru þær einnig stór-
hættulegir smitberar, sem bera ýmsa næma sjúkdóma
manna á milli.
Um algera útrýmingu á húsflugunum mun tæpast að
ræða, en ýmislegt má gera til þess að tortíma þeim í hí-
býlunum, varna þeim að komast inn í þau og torvelda
timgun þeirra. Þegar flugurnar koma inn í herbergin, er
hægt að tortíma þeim með flugnaveiðurum, sprauta á þær
skordýralyfjum eða veiða þær í háf (léreftspoka með hring
í opinu). En það verður að fyrribyggja sem mest, að flug-
urnar komist inn í húsin, og það má gera á tvennan hátt:
I fyrsta lagi með því að hafa dyr sem minnst opnar, svo
að flugurnar fljúgi ekki inn í húsin, þegar gengið er um,
og í öðru lagi að strengja gluggatjaldaefni eða annað þ. u.
1. fyrir alla glugga, sem eru opnaðir, og festa það svo vel
niður á röndunum, að flugurnar komist ekki inn með því,
þegar gluggarnir eru opnaðir. En langmest af flugum
kemur inn í húsin um opna glugga. Að strengja fyrir
opna glugga gerir meira gagn en að útiloka flugurnar;
það beinlínis sýjar sót og ryk úr loftinu, sem streymir inn
um gluggana.
Enn er þó ótalið það, sem mikilvægast er í baráttunni
við húsflugurnar, en það er að finna uppeldisstaði þeirra,
finna þær uppsrettur, sem allur flugnaskarinn streymir
frá. Ég hefi hér á undan sagt, hvers konar staðir það eru.
Það verður að gera þessa staði þannig úr garði, að þeir
verði ekki flugnauppeldisstöðvar í framtíðinni. Það verð-
ur að þrifa ýmsar lóðir í Reykjavík1) og götur betur en gert
1) Þó hér sé sérstaklega talað um Reykjavík í sambandi við hús-
13*