Skírnir - 01.01.1929, Side 192
186
Um Vilhjálm annan.
[Skímir
dulinn flestra þeirra stórtíðinda, sem á vorum dögum ger-
ast í heiminum. í línum þeim, sem hér fara á eftir, verður
aðeins gerð tilraun til þess, að benda á nokk.ra höfuðþætti
í sálarlífi keisarans og gera grein fyrir nokkrum aðalatrið-
um í sögu hans.
1.
Vilhjálmur 2. fæddist 27. jan. 1859. Friðrik Vilhjálmur 4.,
afabróðir hans, var þá konungur á Prússlandi. Hann var
maður barnlaus og var því Vilhjálmur bróðir hans ríkis-
erfingi. Þá er hér var komið, var konungur orðinn svo bil-
aður á geðsmunum, að Vilhjálmur fór með völdin í hans
nafni. En mjög þótti hinum konunghollu Prússum nú birta
í lofti og vel vegna um ríkiserfðir, er þrír ríkiserfingjar
voru uppi samtímis. Nokkru síðar tók Vilhjálmur konung-
dóm að bróður sínum látnum (1861). Árið eftir gerðist Bis-
marck höfuð-ráðgjafi hans og varð þá ekki tíðindalaust
fyrst um sinn. Þá er Bismarck hafði setið tæp 9 ár að
völdum, hafði hann gersigrað Dani, Austurríkismenn og
Frakka, aukið ríki Prússakonungs stórum. sameinað allt
Þýzkaland og gert það að keisaradæmi, en Vilhjálm kon-
ung að keisara.
Vilhjálmur 2. var því til mikilla og háskalegra hluta
borinn. Það átti að verða hans hlutskifti að setjast í hásæti
hinna fornu prússnesku herkonunga og taka við stjórnar-
taumunum úr höndum hins tröllaukna járnkanzlara. En ör-
lögin léku hann grátt frá hinni fyrstu stund, er hann sá
dagsins ljós. Á herðar hans átti að leggja einhverjar hinar
þyngstu byrðar, sem á mannsherðar verða lagðar. En hann
var ekki heill maður að líkamsburðum eina einustu stund
ævi sinnar.
Móðir hans hafði komizt mjög hart niður, er hún ól
hann, enda var hún þá ekki nema 18 ára gömul. í fyrstu
sást tæpast lífsmark með sveininum, og varð hann ekki
vakinn til lífs fyr en eftir hálfa aðra klukkustund. Virðist
svo, að menn hafi þá orðið svo fegnir, að öllum hafi
gleymzt að athuga nánar líkamseinkenni barnsins. Á þriðja