Skírnir - 01.01.1942, Page 36

34
Fr. le Sage de Fontenay
Skírnir
Til enn frekari upplýsinga um danskan anda og það,
hvernig Danir snúast við vandamálum tímans, skal ég að
lokum taka upp nokkur sérkennileg ummæli þekktra Dana.
Þau eru frá í haust.
Prófessor Ellinger:
„Einu sinni lögðum við mesta áherzlu á allt það, sem
okkur greindi á um, en nú er að því komið, að það skiptir
okkur mestu, sem sameinar okkur. Og það, sem sameinar
okkur, er viljinn til þess að stýra Danmörku frjálsri og
öruggri gegnum alla erfiðleika. Allt verður að þoka fyrir
hagsmunum lands og þjóðar“.
Dr. jur. Erik Brúel, ritstjóri „Tidsskrift for Udenrigs-
politik" (skrifað áður en gengið var að andkommúnista-
sáttmálanum) :
„Það er ekki að kenna neinum veikleika í dönsku þjóðar-
eðli, að hernámið hefur hingað til gengið stórárekstralaust.
Það er þvert á móti vottur um nokkurn þrótt hugans, sem
er svo mikill, að hann hefir efni á því, að afsala sér öllum
handaslætti og orðaflaumi, og svo mjúkur, að hann bogn-
aði án þess að brotna“.
Ole Björn Kraft þjóðþingsmaður:
„Við höfum hniprað okkur inn í skel okkar, til þess að
verja réttindi okkar, sem við finnum á okkur að eru í
hættu vegna erlends hernáms. Engar horfur eru á vinsam-
legum viðskiptum, fyrr en oki hernámsins verður aflétt.
Við getum því aðeins að við séum frjálsir tekið ákveðna
afstöðu til framtíðarmálanna. Með virðulegri, rólegri
framkomu gagnvart hernámsliðinu, hefir danska þjóðin
sýnt allt, sem í henni býr“.
Konungurinn hefir einnig látið það í ljós, hverjar eru
framtíðarvonir hans. Öllum kemur saman um það, að
Kristján konungur hafi tekið með karlmennsku og festu
þeim erfiðleikum, sem dunið hafa á konungsvaldinu og
Danmörku. Konungurinn hefur hvað eftir annað verið
vörn lands og þjóðar gegn kröfum, sem gengu of langt.
Hvað eftir annað hefur hann vakið mikla óánægju danskra
nazista, svo að þeir hafa jafnvel dirfzt að skrifa um „al-