Jörð - 01.12.1948, Blaðsíða 155
JÖRÐ
153
f BERNSKUSTÖÐVUM er bók eftir smábónda og ein-
£\ yrkja vestan úr Þorskafirði, Guðjón Jónsson frd Hjöllum,
sem lengi var bóndi á Litlu-Brekku í Geiradal. Það má sitt-
hvað finna að máli og stíl á þessari bók, en hins vegar er það
augljóst, að höfundurinn hefur til að bera rithöfundarhæfileika
og ríka athyglisgáfu. í bókinni er skýrt frá ýmsu fróðlegu um
líf og háttu manna við Breiðafjörð norðanverðan á síðasta
fjórðungi 19. aldar, og margar eru þarna góðar og eftirminni-
legar lýsingar — ekki sízt á náttúrunni. Þá er og yfir bókinni
blær hlýju og innileika, og luin ber vitni um einlæga ást höf-
undar á átthögum sínum, á náttúrufegurð yfirleitt og á mynd-
arskap og öðrum mannkostum. Isafoldarprentsmiðja h.f. hefur
gefið bókina út í mjög snoturri útgáfu.
MINNINGAR GUÐRÚNAR BORGFJÖRÐ er ein af
hinum skemmtilega og smekklega útgefnu bókum, sem
bókaútgáfan Hlaðbúð hefur látið frá sér fara. Guðrún Borg-
fjörð var dóttir Jóns Borgfirðings, lögregluþjóns og fræði-
manns. Henni entist ekki aldur til að ljúka við minningar
sínar, en samt eru þær merkisbók, enda vel gengið frá útgáf-
unni, sem bróðursonur höfundarins, Agnar Kl. Jónsson, hefur
annazt. Skrifar hann eftirmála og lætur bókinni fylgja
ýtarlegar skýringar og auk þess nafnaskrá. Minningarnar eru
sagðar af miklu liispursleysi, samfara góðgirni og heilbrigðu
raunsæi, og bregður Guðrún upp mörgum fróðlegum og skýr-
um myndum, og sjálf kynnir hún sig þannig, að' lesandanum
verður hún minnisstæð.
T'SLENZKIR ATHAFNAMENN heitir ritsafn, sern Akranes-
útgáfan hefur tekið að gefa út. Fyrsta bindið er: Geir Zoega,
kaupmaður og útgerðarmaður, cevisaga samin af Gils Guð-
mundssyni. Saga hins merka athafnamanns er þarna allgreini-
lega rakin, og er bókin skilmerkilega skrifuð. En svo virðist,
sem höfundinn liafi skort heimildir til þess að gera söguna svo
ríka af lífi sem æskilegt hefði verið, og í rauninni verða það
hinar fáu smásögur um kímni Geirs, sem setja lesandanum
hann ljósast fyrir sjónir. Útgáfan er þokkaleg.