Jörð - 01.12.1948, Side 158

156
JÖRÐ
rithöfundur annazt útgáfuna. Munu þættir þessir enn sem
fyrr þykja hvort tveggja í senn, skemmtilegir og fróðlegir, og
mun ungu fólki ástæðulaust að forðast þá og grípa frekar
reyfara. Það mun hafa gaman að lestri þáttanna rétt eins og
við, sem lásum þá í æsku okkar — aðeins að það komist á
bragðið. Iðunnar-útgdfan hefur kostað útgáfuna og er hún
vönduð, smekkleg og sérkennileg.
SAGNAKVER SKÚLA GÍSLASONAR heitir einhver
eigulegasta bókin, sem út kom á árinu 1947. Eru þar
prentaðar í útgáfu Sigurðar prófessors Nordals þjóðsögur þær
úr þjóðsagnasafni Jóns Arnaso?iar, sem séra Skúli Gíslason á
Breiðabólsstað í Fljótshlíð skrifaði, en þær þykja Nordal yfir-
leitt betur sagðar en aðrar sögur í hinu mikla safni. Og víst er
um það, að hverjum þeim, er les þessa bók og athugar síðan
Þjóðsögur Jóns Árnasonar, hlýtur að verða það Ijóst, að séra
Skúli eigi þar fleiri sögur afbragðsvel sagðar en nokkur annar
sögumaður. Þá er og það, að auk þess, sem formáli Nordals er
ágætlega til þess fallinn að opna augu manna fyrir frásagnar-
snilli séra Skúla og fá menn til að athuga frásagnir annarra
sögusnillinga, er hann listaverk að stíl og framsetningu. Þar
kemur allt það mjög greinilega fram, sem heillar mann við
lestur greina og ritgerða Nordals, livort sem hann tekur sér
fyrir hendur að vekja athygli á frásagnarsnilli séra Skúla
Gíslasonar eða að kollvarpa goðsögninni um sannsöguleik
Hrafnkelssögu: Hverjum lesanda finnst eins og verið sé að
tala við hann persónulega, og þó skortir sízt þekkingu og
rökvísi fræðimannsins og skarpskyggni og innsæi liins djúp-
liugula, með afbrigðum næma og hámenntaða bókmennta-
unnanda. — Þá má ekki gleyma myndum Halldórs Pcturssonar,
þegar minnzt er á þessa bók. Ég fæ ekki betur séð, en að hjá
Jionum fari í ríkara mæli saman en hjá nokkrum öðrum ís-
lenzkum listamanni, sem fengizt liefur við að myndskýra ís-
lenzkar bókmenntir, sönn og auðskilin túlkun þess anda, sem í
efninu býr, tæknileg kunnátta og listrænn persónuleiki. —
Helgafell hefur gefið út þessa sérstæðu bók.