Heilbrigðisskýrslur - 01.12.1946, Síða 140

138
göngu eru notuð í þarfir embættisins og þágu fólksins, og er líkleg-
ast, að sá verði endirinn, að engin fáist, hvað sem i boði er. Liggur
þá ekki annað fyrir en að láta skíl og skarn safnast fyrir, á meðan
botnað verður í hroðanum — en þá, að ég fari sjálfur að skúra
gólfin, á milli þess, sem ég geri að sárum og sit yfir konum, því að
ekki kemur til mála, að ég bæti þessu erfiði á konu mína ofan á
heimilisstörfin, sem hún verður að vinna ein og aðstoðarlaust. Ég
hyg'g, að æði margir héraðslæknar hafi líka sögu að segja. Gæti nú
ekki hugsazt, að þarna glytti í eina af mörgum og raunar augljós-
um ástæðum fyrir því, hve tregir hinir ungu læknar og konur þeirra
eru til þess að flytjast út í héruð landsins? I sveitiirni er ekki byggt
mikið, jafnvel með minnsta móti. Þykir mér líklegt, að skortur á
vinnukrafti, einkum smiðum, hafi átt einna drýgstan þátt í því. En
hér á Selfossi voru hyggð ósköpin öll, og myndi þó meira hafa verið,
ef vöntun faglærðra byggingarmanna hefði ekki hamlað. Ég taldi
hér um eitt skeið á sumrinu 27 hús í smíðum, og munu þau þó raunar
hafa verið nokkru fleiri. Flest eru þessi hús „villu“-byggingar, meðal-
stórar og mörg drjúgum meira. Svo að segja engin smáhýsi eru reist.
Unnið að hafnargerð í Þorlákshöfn mest allt árið. Suðurlandsbrautin,
sem liggja á um Krísuvík, lengdist nokkuð og komst upp á Selvogs-
heiði, þar sem hún er hæst, og þó nokkru betur. Hafin var lögn
rafmagnslínu frá Ljósafossstöðinni við Sogið, og á hún að færa Sel-
fossi, Stokkseyri og Eyrarbakka hið þráða afl, en því miður hefur
Ljósafossstöðin litlu að miðla, eða í rauninni engu nú orðið. Slátur-
félag Suðurlands hóf undirbúning að mikilli byggingu, sein kvað eiga
að verða niðursuðuverksmiðja, auk sláturhússins. Heyrðist, að þar
ætti að sjóða niður kjöt, fisk, síld og lax, líklega helzt úr vatnasvæði
Ölfusár og Hvítár; en nú nýverið hefur laxveiði verið bannfærð á
því svæði í 10 árin næstu, fyrir það fyrsta.
Laugarás. Unnið hefur verið að húsbyggingum eins og undanfarin
ár. Enn þá vantar samt mikið til, að húsakostur sé alls staðar góður.
5. Fatnaður og matargerð.
Læknar láta þessa getið:
Ólafsvíkur. Fatnaður og' matargerð standa í stað.
Stykkishólms. Fatnaður hefur ekki tekið neinum breytingum á ár-
inu. Matargerð er svipuð og verið hefur. Nýmeti fæst nú flesta daga
ársins, eins og hver vill, vegna íshúsanna, og má segja, að flestir sæki
nú matinn dag' hvern í íshúsin og' jafnvel sveitafólkið líka.
Búðardals. Fólk virðist ganga allsæmilega til fara og skiptir t. d.
um föt á sunnudögum, en slíkur siður er ekki alls staðar hafður um
hönd á íslandi. Annars munu vera hin mestu vandræði að afla sér
spariklæðnaðar hér um slóðir, einkum fyrir karlmenn, því að hvergi
er saumakona, er við slíkan saumaskap fáist, hvað þá ldæðskeri. En
tilbúinn fatnaður er hættur að flytjast. Hljóta rnenn því að verða
að leita út fyrir landsteinana, til Reykjavíltur þeirra erinda, en frek-
ar mun í kot vísað þar í þessu efni, eða svo er mín reynsla að minnsta
kosti. Mataræði virðist frekar fábreytt og lítið um nýmeti, einkurn