Ritröð Guðfræðistofnunar - 01.01.1994, Page 24

Jón Sveinbjönsson
þingum fræðimanna og er góður fulltrúi íslenskrar fræðimennsku. Ég hef
nokkrum sinnum verið með honum á ráðstefnum erlendis og var mér þar
ljóst hve mikils trausts hann nýtur bæði vestan hafs og austan.
Menn tala um „empathy“, samkennd, það að nálgast viðfangsefni af
kærleika, finna innri skyldleika, eða hluta af sjálfum sér í viðfangsefninu
hvort sem það eru fomir trúartextar og þjóðfélög eða núlifandi fólk. Þórir
hefur þennan eiginleika í óvenjulega ríkum mæli.
Þórir náði einnig að kynnast menningu aldarinnar sem var að hverfa hér
á landi. Ég minnist þess hve séra Bjami Jónsson, dómkirkjuprestur og
vígslubiskup, mat hann mikils. Efirmæli Þóris um séra Friðrik Friðriksson
og Alexander Jóhannesson, háskólarektor, dr. Jakob Jónsson og séra
Magnús Runólfsson bera þessu einnig vitni. Eldri kynslóðin leit á Þóri sem
jafningja og verðugan arftaka.
Sá maður sem stóð Þóri næst að mínum dómi var Sigurbjöm Einarsson,
síðar biskup. Prédikun Sigurbjöms snart áheyrendur sína fyrst og fremst
sem mannverur í leit að tilgangi og fyrir mörgum rann það upp, allt að því
sem furða, að boðskapur kirkjunnar hefði margt við þá að tala, kirkjan
hefði boðskap sem var í takt við tímann, fjallaði á nærgöngulan hátt um
dýpstu hugsanir mannsins, engu síður en heimspeki og bókmenntir. Sigur-
bjöm Einarsson hreif Þóri eins og marga aðra unga menn og hvatti hann og
lagði á ráðin með honum um framhaldsnám.
Frumkvöðull og fyrirmynd
Þegar Þórir kom heim frá Bandaríkjunum var hann fullur hugmynda og
nýjunga um mótun guðfræðimenntunar á íslandi og var staðráðinn að færa
guðfræðikennsluna á íslandi á sama stig og hann hafði kynnst erlendis.
Hann gaf sig allan að kennslunni og útfærði hana ekki aðeins í kennslu-
stundum heldur tók hann stúdentana heim til sín og ræddi við þá um
hlutverk kristindómsins í samfélaginu. Hann hvatti stúdenta til sjálfsnáms
og sjálfstæðrar skoðanamyndunar, myndaði leshringi og kynnti nýtt lesefni.
Hann tók upp kennslu í hebresku og útbjó kennsluefni og reyndi að veita
nýju lífi í deildina.
Þórir hefur mótað starf guðfræðideildar þau ár sem hann hefur verið
kennari við deildina — í 40 ár. Hann hefur átt sinn þátt í að gefa guðfræði-
deildinni ímynd í þjóðfélaginu og sýna mönnum að guðfræðin á erindi við
22