Ritröð Guðfræðistofnunar - 01.01.1994, Page 27
Um biblíuguðfræði Þóris Kr. Þórðarsonar
Þórir telur Gamla testamentið ríkara að sístæðum stefjum en Nýja testa-
mentið, og þannig á margon hátt aðgengilegra fyrir nútímamenn en Nýja
testamentið. Þessi sammannlegu eða sístæðu stef tryggja það að komandi
kynslóðir geti tileinkað sér textann. Þótt Þórir leggi mikla áherslu á
helgihald og lítúrgíu þá getur lítúrgían óneitanlega haft tilhneigingu til þess
að losna frá daglegu lífi og sr.únst um ílókna helgisiði sem aðeins eru á færi
sérfræðinga. „Og stefin eru sístæð í þeím skilningi. .. að þau fjalla um allt
líf mannsins á öllum sviðum mannlífs: þjóðfélagsleg rangindi eða réttlæti,
trúfesti einstaklingsins eða brigð í samfélagsháttum, efnahagslegt réttlæti
eða ranglæti, heilindi í stjómmálum eða óheilindi, samfélagsábyrgð eða
ábyrgðarleysi.“ Kirkjulega guðfræði mætti þannig fremur nefna félagslega
guðfræði. Þórir lítur á það sem hlutverk guðfræði Gamla testamentisins að
greina þessi sístæðu stef eins og þau koma fyrir í Gamla testamentinu og
skoða þau í samhengi Ritningarinnar/ Guðsopinberunarinnar.
Ýmsir guðfræðingar hafa verið að glíma við samnefnara Gamla testa-
mentisins, þann „ás“ eða „miðju“ sem hægt væri að skoða Gamla testa-
mentið út frá. Menn hafa einnig verið að glíma við að skilgreina sambandið
milli Gamla og Nýja testamentisins. Þórir nálgast slík vandamál fyrst og
fremst út frá málfarslegum aðferðum og skoðar þessi sístæðu stef í sam-
hengi frásagna Gamla testamentisins og Guðshugmynda þess en fyllingin
kemur fyrst í Kristi1.
Þau sístæðu stef sem Þórir hefur fjallað um tengjast einkum sátt-
málanum, sem hann telur vera grundvöll og ramma allrar trúarhugsunar í
ritningunni og undirstöðuhugsun hins kristna fagnaðarerindis. Eins og áður
hefur verið minnst á, ritaði Þórir grein um sáttmálann („Covenant in
Religion“) í Encyclopaedia Britannica og doktorsritgerð hans fjallaði
einnig um hann. í grein um Fyrstu Samúelsbók fjallar hann um Guðsmynd
þá sem lesa má út úr sögunum um Sál konung, Samúel og Davíð. Þar
fjallar hann um hvemig viðleitni mannsins að fella Guð inn í rökrænt
1 Sjá: Þórir Kr. Þórðarson, Hebresk trúarfrœði. Reykjavík 1992 (skrifað 1973); „The
Mythic Dimension: Hermeneutical Remarks on the Language of the Psalter." Vetus
Testamentum 1974 bls. 212-220; „Biblical Interpretation as Participation,“ For
Kirke og Theologi 1957, bls. 63-73; „Problemer vedrörende kirkeligt brug af Det
gamle Testamente set fra et hermeneutisk synspunkt." (Erindi flutt á norrænum
prestafundi íReykjavík 1979).
25