Ritröð Guðfræðistofnunar - 01.01.1994, Síða 30

Jón Sveinbjönsson
sóknir. Hann tók einnig þátt í fomleifauppgrefti í Jórdaníu, eins og áður var
nefnt, og ritaði um handritafundina í Palestínu.5
Eins og fram hefur komið felst veigamikill þáttur í starfi Þóris í aðstoð
við lesanda Biblíunnar. Einn liður í því starfi er þýðing Biblíunnar. Þegar á
ámnum 1965-1967 hélt hann þýðingamámskeið með stúdentum í hebresku.
Nokkrir sálmar birtust í Orðinu, riti Félags guðfrœðinema.6 Þórir vann að
útgáfu Biblíunnar 1981. Þar endurbætti hann m.a. þýðingu á Sálmunum og
sá um lagfæringu á öðrum textum. Þórir var fyrsti formaður þýðingar-
nefndar Gamla testamentisins í næstu Biblíu sem ætlað er að komi út árið
2000. Hann hefur einnig þýtt Jónasarbók. Nú þegar Þórir hættir kennslu við
guðfræðideild hefur hann verið ráðinn til þýðingarstarfa við Guðfræði-
stofnun á vegum Hins íslenska Biblíufélags.
Þórir er tímamótamaður í íslenskri guðfræði. Segja má að hann hafi
verið réttur maður á réttum stað — og á réttum tíma. Hann setti sér stefnu
sem hann hefur í raun ekki hvikað frá. Hann stundaði nám og rannsóknir í
Chicago þegar þar var unnið að þeim rannsóknum sem áttu á margan hátt
eftir að móta guðfræðiumræður 20. aldarinnar. Hann tileinkaði sér fræðin
og vann úr þeim á persónulegan og heildstæðan hátt. Þórir er gæddur djúpri
trúrækni og næmleika fyrir hátíðleik guðsþjónustunnar. Jafnframt er hann
opinn fyrir boðskap Biblíunnar til samfélagsins í heild. Áhugi hans beindist
fyrst að mótun félagslegrar guðfræði sem hann útfærði bæði í kennslu og
endumýjun námsins í guðfræðideild og eins við uppbyggingu Félagsmála-
stofnunar Reykjavíkurborgar. Síðar hefur hann í ríkara mæli snúið sér að
því að styrkja innviði þessarar stefnu með því að beita bókmenntalegum og
málfarslegum aðferðum til að skilgreina hin sístæðu og sammannlegu stef
sem tengja samtíð við fortíð. Með þessu hefur hann markað guðfræðideild
stefnu sem ég vona að deildin beri gæfu til að vinna að og útfæra nánar á
komandi árum.
5 Þórir Kr. Þórðarson, Ethical Aspects on the Qumran Scrolls and the Damascus
Document. (Samkeppnisritgerð um dósentsembætti, vélrit 1954); „Handrita-
fundurinn mikli í Palestínu.“ Víðförli 1949 bls. 65-78; „Fomleifafræði og biblíu-
rannsóknir" Víðförli 1952, bls. 70-75; „Handritin frá Qumran og saga Essena,“
Andvari 1955, bls. 64-78.
6 „Tveir sálmar úr Saltara" 1. árg. 1965-66, bls. 11-13 og „Tveir sálmar úr Saltara“ 3.
árg. 1966-67, bls. 15-17.
28